حوکمەتا هەرێمێ: دێ کارئاسانیێ بۆ ڤەگەراندنا تەرمێن وان کەسان کەین یێن د دەریا ئیجە دا خەندقین
ئەڤرۆ نیوز:
ل سپێدەهیا رۆژا شەمبی 11-1-2020 بەلەمەک ب 50 سەرنشینان ڤە د دەریا ئایۆنی دا ل نێزیک دورگەیا پاکسوسا یۆنانێ ژێر ئاڤ ببوون، کو پشکەک ژ وان وەلاتیێن هەرێما کوردستانێ بوون، حوکمەتا هەرێما کوردستانێ سەرەرای هەڤخەمیا خوە بۆ کەسوکارێن وان دیار کریە، دێ هەموو هاریکاری و کارئاسانیێ بۆ ڤەگه‌راندنا ته‌رمێن قوربانیان کەن.
دەقێ راگەهاندنا حوکمەتا هەرێما کوردستانێ:
د چه‌ند رۆژێن بوری دا، ب ئەگەرێ نقوومبوونا به‌له‌مەکێ دناڤبەرا تورکیا و یۆنانێ دا، ب داخڤە هژماره‌کا كه‌سان بوونه قوربانی، كو هندەک وەلاتیێن هه‌رێما كوردستانێ ژی تێدابوون.
دوهی رێزدار مەسرور بارزانی سه‌رۆكێ حوکمه‌تا هه‌رێما كوردستانێ د كۆمبوونا جڤاتا وه‌زیران دا، سەرەرای ده‌ربرینا هەڤخەمیا خوە ل گەل بنەمال و کەسوکارێن قوربانیان، دەزگەهێن حوکمەتێ ژی راسپاردینە کو هەموو هاریکاری و کارئاسانیان بکەن بۆ ڤەگه‌راندنا ته‌رمێن قوربانیان بۆ هه‌رێما كوردستانێ.
جوتیار عادل
پەیڤدارێ حوکمه‌تا هه‌رێما كوردستانێ
٢٠٢٠/١/١٦
