ئه‌ڤه سێ هه‌یڤه پرۆژه‌ك ل شێخان مایه راوه‌ستیایی
ئه‌ڤرۆ نیوز، بارزان مزووری:
پرۆژێ دروستكرنا دو پرێن كونكریتی ل سه‌ر رێكا شێخان بۆ گوندێن ئێسیان و بێرسته‌ك و كه‌مپا ئێسیان یا ئاواران بۆ سه‌نته‌رێ باعه‌درێ ئێك ژوان پرا ب دوماهیك هاتیه ئێك ژوانا ئه‌ڤه ماوێ سێ هه‌یڤانه كار ل سه‌ر هاتیه راوه‌ستاندن ئاسته‌نگ بۆ قوتابیا و وه‌لاتیان دروست كریه.
فه‌رمان حسێن ئێك ژوان قوتابیێن هاتن و چوونێ ڤێ رێكێ دكه‌ت بۆ ئه‌ڤرۆ نیوز گۆت:ئه‌ڤه سێ هه‌یڤه ئه‌ڤ پرۆژه مایه راوه‌ستاندن رێكه‌گ به‌دیل دروست كریه د رۆژانێن باران بارینێ دا ئاسته‌نگ بۆ قوتابیا دروست دبیت مه‌ترسیا داخستنێ لێ دهێت كرن ژبه‌ركۆ ب ئاخێ هاتیه چێكرن ،داخاز ل ئیدارا كه‌مپا ئێسیان دكه‌ین كۆ بزاڤێ بكه‌ن دگه‌ل بوردێ كاروبارێن مرۆڤایه‌تی بۆ تمامكرنا ڤی پرۆژه‌ی ژ به‌ر كو پرۆژه ژلایێ بوردی و رێكخراوه‌كێ ڤه هاتیه جێ به جێ كرن.
دیار بیبۆ به‌رپرسێ كه‌مپا ئێسیان یا ئاواران بۆ ئه‌ڤرۆ نیوز گۆت:ئه‌ڤ پرۆژه ژلایێ بوردێ كارۆبارێن مرۆڤایه‌تی ب هه‌ماهه‌نگی دگه‌ل رێكخراوه‌كا مرۆڤایه‌تی هاتیه جێ به جێ كرن و دهێته دروست كرن ئه‌و پرێن ل سه‌ر رێكێ دوباره راكرینه و داناینه ئێك ژوان پرا یا دناڤ كه‌مپێ دا تمام بویه ئێك ژی مایه به‌لێ باران بارین بویه رێگر كۆ ئه‌و پر تمام نه‌بیت به‌لێ مه بزاڤ كریه دگه‌ل بوردی كۆ ل نێزیك ئه‌و پرۆژێ مای بهێت تمام كرن ژ به‌ر كو قه‌له‌بالغیه‌ك مه‌زن ل سه‌ر ڤێ رێكێ یاهه‌ی خه‌لكێ گوندا و یێن كه‌مپێ دیسان رێكه‌ك سه‌ره‌كی یه سه‌نته‌رێ باعه‌درێ و شێخان پێكڤه گرێ دده‌ت.
