یاریزانێن دهۆكێ دگهشبینن کو ب دەستکەفت ڤەگەڕن
تاهر رێكانی
د داخۆیانیهكێ دا ڕاهێنەرێ تیما تێنسا مێزێ یا یانهیا دهۆك دیاركر ئهڤرۆ شاندێ وان كو پێکهاتینە ژ 11 یاریزانان دێ پشكداریێ قارهمانییا ههولێری یا ڤهكری دا كهن، ئهوا دێ ژلایێ فدراسیۆنا یارییا ناڤهاتییا هەولێرێ هێتە ڕێکخستن ئەوا دێ بۆ ماوەیێ پێنج رۆژان ل هۆلا گرتییا زانکۆیا سەلاحەدین ل هەولێرا پایتەخت ل سەر ئاستێ کوڕان و کچان هێتە کرن.
بشار رهمهزان زێدهتر گوت: دهمهكێ درێژه یاریزانێن مه خۆ بهرههڤ دكهن بۆ ڤێ قارهمانیێ ئهوا دێ نێزیكی 200 یاریزانان دناڤبەرا ژیێن 11 سالی هەتا 50 سالی ل سهرانسهری ئیراقێ و ههرێمێ پشكداریێ تێدا كهن، بۆ ڤێ پشكداریێ یاریزانێن مه ب مورالەکا بلند و ئارمانجێن مەزن بۆ ڤێ قارهمانیێ یێن كرین گهشبینن ئهنجامهكێ باش ب دهستخۆ ڤه بینن، هەرچەندە قارەمانییەکا ڤەکرییە لایەنێ فدراسیۆنا هەولێرا پایتەختە لێ پێشبنییا هەڤڕکییەکا بهێز دهێتە کرن.
هەروەسان گۆت: ئەو یاریزانێن دێ نوونەراتییا یانەیا دهۆکێ کەت پێکهاتین ژ، پیرس عهلی، جودی عهلی، یوسف بشار، محەمهد بشار، نزار فهرهج، زێبار رهجهب، نێچیرڤان جهمالهدین، شاهك محەمەد، شاوك محهمهد و رۆژ عهلی و یاریزانهكا كچ بناڤێ نورهان حهمید، ئهڤ یاریزانه دێ ب سهرپهرشتیا راهێنهر بشار رهمهزان پشكداریێ كهن.
بۆ زانین تیما یانەیا دهۆک ب کوڕێن باژێرێ خۆ ل سەر ئاستێ ئیراقێ پشکدار د خولا پلا ئێک ئەوا دهێتە چاڤەڕێکرن ل دەمەکێ نێزیک فدراسیۆنا تێنسا مێزێ یا ئیراقێ ژڤانێ وەرزێ نوو دیاربکەت.
