د. هاریوان عابد: ب پشتەڤانییا سەرۆکێ حوکمەتێ سێمێل دێ بهێز ڤەگەڕیت
شاهۆ فەرید:
د دیدارەکا تایبەت دا د. هاریوان عابد سەرۆکێ یانەیا سێمێلێ سۆپاسیێن یانەیێ و جەماوەرێ تیما فوتبۆلێ ل سەرۆکێ حوکمەتا هەرێمێ کر، پشتی پشتەڤانییا خوە بۆ یانەیێ دیارکری ب پشکداریکرنێ بۆ وەرزێ بهێت یا خولا پلا نایابا کوردستانێ دا.
زێدەتر ناڤهاتی بۆ ئەڤرۆ گۆت: دەستپێکێ دڤێت سۆپاسیێن خوە ئاراستەیی ڕێزدار مەسرۆر بارزانی سەرۆکێ حکۆمەتا هەرێما کوردستانێ بکەین کو لدووڤ گازیا مەهاتی بۆ پشتەڤانیێ پێنەڤێت سۆپاسی ژی بۆ بەرێزان، سەربەست لەزگین بەرپرسێ مەکتەبا ڕێکخستنا پارتی ل بەهدینان و د. عەلی تەتەر پارێزگارێ دهۆکێ ود. نەوزاد عەبدوللا بەرپرسێ لقا ئێک و دەڤەردارێ قەزا سێمێلێ بەرێز دژوار شەوکەت کو هەڤکار و هاریکاربوون ژبۆ چارەسەرکرنا ئاریشەیێن یانەیێ، پێنەڤێت ئەڤ پێنگاڤە دێ گەنجێن سێمێلێ کەیفخوەشتر کەت و گەشبینی بۆ جەماوەر و خەلکێ سێمێلێ پەیداکەت.
لدۆر بەرهەڤییێن تیما وان ناڤهاتی گۆت: هەر پشتی ئەڤ پشتەڤانییە هاتییە ڕاگەهاندن مە دەست ب دانانا پلانان و بەرهەڤیێن کارگێری و گرێبەستان کرینە، بۆ وەرزێ نوو دڤێت باشتر و بهێز ڤەگەرین ژبۆ پشتی ١٤ سالێن ڤە قەتیانێ یا گرنگ ئەوە ڤەگەڕیانا مە یا ب پلان و بهێز و باشترین شێوە بیت، ئێکەم پێنگاڤ دەستنیشانکرنا کادرێ ڕاهێنانێ بیت دووڤدا دێ گەنگەشە ل سەر یاریزانێن وەرزێ بۆری کەین و ئینانا یاریزانێن نوو ژبۆ بهێزکرنا ڕێزێن تیمێ.
ژلایەکێ دووڤە سەرۆکێ یانەیا سێمێلێ گۆت: دێ بزاڤێ کەین تیما مە ئێک ژ هەڤڕکێن باش بیت د ناڤ خولێ دا، شیانێن مە دباشبن بۆ مانا خوە د خولێ دا و هەڤرکی و ڕکابەریێ بکەین ل سەر ڕێزبندییێن دەستپێکی، یانەیا سێمێلی جەماوەرێ خوە پشت ڕاست دکەت کۆ ئەنجامێن دلخوەشکر د وەرزێ نوو دا ب دەستڤەبینین، ئەم ئەڤی وەرزی هژمارەکان زەحمەت بین د کاروانێ خولێ دا.