مه‌ترسی هه‌یه داعش هێرشی سه‌ر كه‌ركووكێ بكه‌ت
ئه‌ڤرۆ نیۆز، قائید میرۆ
پشتی بڕیارا هه‌ڤپه‌یمانان بۆ راگرتنا چالاكیێن خوه یێن دژی داعش مه‌ترسی بۆسه‌ر ده‌ڤه‌رێن كوردستانێ په‌یدابوویه و سه‌رۆكی جڤاتا پارێزگه‌ها كه‌ركووكێ ژی ئاشكراكر، مه‌ترسی هه‌یه داعش هێرشی سه‌ركه‌ركووكێ بكه‌ت.
رێبوار تاله‌بانی، سه‌رۆكێ ئه‌نجوومه‌نێ پارێزگه‌ها كه‌ركووكێ بۆ ئه‌ڤرۆ نیۆز دیاركر” بڕیارا هه‌ڤپه‌یمانان بۆ راگرتنا چالاكیێن دژی داعشێ و هه‌ماهه‌نگی نه‌كرن دگه‌ل هێزێن عێراقی وه‌لاتیێن كه‌ركووكێ دلگرانكرینه، ژبه‌ركو مه‌ترسیێن ڤه‌گه‌ڕیانا داعش هه‌نه و خه‌لكێ كه‌ركووكێ ئه‌ڤێ راستیێ باش دزانن ژیانا كه‌تیه د مه‌ترسیێ دا.
تاله‌بانی ئاماژه‌كر” چه‌كدارێن داعش لڤینێن خوه ل كه‌ركووكێ زێده‌كرینه و ل هنده‌ك ده‌ڤه‌ران ب ئه‌شكرا یێ هاتن وچوونێ دكه‌ن، له‌وڕاژی پێشبینی دهێته‌كرن ره‌وش یا هوسا كریارێن تیرۆرستی بهێنه ئه‌نجامدان.
