په‌یڤدارێ وه‌زاره‌تا ساخله‌میێ: هه‌ر كۆمپانیه‌كا پێگیری ب رێنمایان نه‌بیت موله‌تا كاری پێ ناهێته‌دان
ئه‌ڤرۆ نیوز:
په‌یڤدارێ وه‌زاره‌تا ساخله‌میا هه‌رێما كوردستانێ راگه‌هاند: هه‌ر كۆمپانیه‌كا ده‌رمانان رێنماییان بجهـ نه‌كه‌ت دێ هێته‌گرتن، گرتنا كۆمپانیێ ژی كارتێكرنێ سه‌ر كێمبون و گرانبوونا ده‌رمانان ل بازارێن هه‌رێما كوردستانێ ناكه‌ت.
د. محه‌مه‌د قادر په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ راگه‌هاند: ب ئه‌گه‌رێ پێگیر نه‌بوون ب رێنمایێن وه‌زاره‌تا ساخله‌میێ چه‌ند كۆمپانیه‌كێن بیاڤێ ده‌رمانان هاتنه گرتن، چ كارتێكرنا خو ژی ل بازاری ناكه‌ن و جهـ گرتیێن وان ل بازاری هاتینه دیتن.
په‌یڤدارێ وه‌زاره‌تا ساخله‌میا حوكمه‌تا هه‌رێما كوردستانێ دیاركر د پیخه‌مه‌تا پاراستنا ساخله‌میا وه‌لاتیان به‌رده‌وام چاڤدێری و دووڤ چوون ئه‌نجام داینه، هه‌ر كۆمپانیه‌كا پیگیر نه‌بیت ب نووكرنا موله‌تێ و مه‌رج و رینمایێن وه‌زاره‌تێ، پێرابوونێن یاسایی ل هه‌مبه‌ر دهێنه بكار ئینان.
