وەزیرێ دەرڤە یێ ئوردنێ: پەیوەندیەکا مێژوویی یا ب هێز دناڤبەرا ئوردنێ و هەرێما کوردستانێ دا هەیە
ئەڤرۆ نیوز:
مەسرۆر بارزانی، سەرۆک وەزیرێن هەرێما کوردستانێ ل میونشن پێشوازی ل ئەیمەن سەفەدی، وەزیرێ دەرڤە یێ ئوردنێ کر.
مالپەرێ حوکمەتا هەرێما کوردستانێ راگەهاندیە، د وێ کۆمبوونێ دا، وەزیرێ دەرڤە یێ ئوردنێ سلاڤ و رێزێن تایبەت یێن شاهـ عەبدوللای شاهێ ئوردنێ گەهاندینە سەرۆکێ حوکمەتا هەرێمێ و ئاماژە ب هندێ دایە، کو پەیوەندیەکا ب هێز یا مێژوویی دناڤبەرا ئوردنێ و هەرێما کوردستانێ دا هەیە.
سەرۆکێ حوکمەتا هەرێما کوردستانێ ژی سوپاسیا شاهـ عەبدوللای کر بۆ پشتەڤانیا وی یا بەردەوام ل هەرێما کوردستانێ و سەقامگیریا دۆخێ عێراقێ، د وێ کۆمبوونێ دا بارودۆخێ عێراقێ و ڤێ دەڤەرێ و پەرەپێدانا پەیوەندیێن هەرێما کوردستانێ و ئوردنێ گوتۆبێژ کرن.