وەزارەتا ساخلەمیا هەرێمێ: چ حالەتێن گومانلێکری ب ڤایرۆسێ کۆرۆنا ل هەرێما کوردستانێ نینن

ئەڤرۆ نیوز:

پەیڤدارێ وەزارەتا ساخلەمیا هەرێمێ راگەهاند، چ حالەتێن توشبووی یان گومانلێکری ب ڤایرۆسێ کۆرۆنایێ ل پارێزگەهێن ھەرێما کوردستانێ نەهاتنە تۆمارکرن و نینن ژی.
محەمەد قادر پەیڤدارێ وەزارەتا ساخلەمیا حکومەتا هەرێمێ راگەهاند ، هەموو ڕێکار ل دژى ڤایرۆسێ کۆرۆنایێ ژ ئالیێ وەزارەتا ساخلەمی و ئالیێن پەیوەندیدار ڤە گرتنەبەر و رێ ناهێتە دان گەشتیارێن وڵاتێ ئیرانێ بهێنە دناڤ هەرێمێ دا.

ڕاگەهاند ژی ، تیمەکا وەزارەتا ساخلەمیێ کو ژمارا وان ٢٥ کەسن ژ ئالیێ ڕێکخراوا ساخلەمیا جیهانی ڕاهێنان پێ هاتینەکرن ل تەڤایا دەڤەرێن هەرێمێ هاتینە بەلاڤکرن ب مەرەما پشکنینێ بۆ وان کەسێن دهێنە ناڤ هەرێمێ.
هەروەسا گۆتیە، مە ل گەل وەزارەتا ساخلەمیا عێراقێ هەڤبەندیا بەردەوام هەیە و د نوکە دا تەڤایا پێدڤیێن نۆشداری بۆ پشکنینێ ل بەردەستن.

کۆمێنتا تە