وه‌زیرێ ده‌رڤه‌یێ ئه‌مریكا: به‌رهه‌ڤین هه‌ڤكاریێن ساخله‌مییێ ب گه‌هینه ئیرانێ
ئه‌ڤرۆ نیوز:
وه‌زیرێ ده‌ررڤه‌یێ ئه‌مریكا راگه‌هاند: بۆ به‌رهنگاربوونا ڤایرۆسێ كورونایێ هه‌ڤكاریا خۆ بۆ ئیرانێ پێشنیازكریه.
مایك پومپیو وه‌زیرێ ده‌رڤه‌یێ ئه‌مریكا د پرێس كۆنفرانسه‌كی دا راگه‌هاند: بۆ هه‌موو جیهانێ مه روونكریه كۆ دێ هه‌ڤكاریێن مرۆڤی بۆ به‌رهنگاربوونا ڤایرۆسێ كورونا گه‌هینه ئیرانێ، تشته‌كه كۆ ئه‌مریكا ب ته‌مامی پشته‌ڤانیێ لێ دكه‌ت، ئه‌م به‌رده‌وامین ژی ژ وێ پشته‌ڤانیكرنێ و هه‌ر وه‌لاته‌كێ دی ژی بیت هه‌ر وه‌ك ئیرانێ به‌رهه‌ڤین هه‌ڤكاریا وان بكه‌ین، چونكو هێزا دیپلوماسی و شیانێن خۆ بكار دئینینن بۆ ئه‌وێ چه‌ندێ ب شیێن هه‌ڤكاریا ته‌كنیكی و نوژداری بگه‌هینه هه‌ر جهه‌كی.
وه‌زیری ده‌رڤه‌یێ ئه‌مریكا ئه‌و چه‌نده ژی راگه‌هاند: ژێرخانا ساخله‌میا ئیرانی باش و هه‌ڤچه‌رخ نینه، حه‌زا مه بۆ به‌لاڤبوونا زانیاریان ل سه‌ر ئیرانێ باش نینه، دلته‌نگم ژی كۆ ئیرانێ بخۆ نه‌ڤێت ئه‌وان زانیاریان به‌لاڤ بكه‌ت كۆ مفایی دێ خه‌لكێ ئیرانێ گه‌هینیت.