ژ به‌ر خۆ پاراستنێ پێشانگه‌ها نێڤ ده‌وله‌تی بۆ په‌رتوكان هاته پاش خستن
ئه‌ڤرۆ نیوز:
وه‌ك خۆ پاراستن ژ ڤایرۆسێ كورونا ب ئه‌گه‌رێ مه‌ترسیێن به‌لاڤبوونێ پێشانگه‌ها پازدێ یا په‌رتوكان ل هه‌ولێرێ بۆ ده‌مه‌كێ نه‌دیار هاته پاش خستن.
د راگه‌هاندنه‌كێ دا كارگێریا پێشانگه‌ها نێڤ ده‌وله‌تی به‌لاڤكر كۆ وه‌ك بجهكرنا رێكارێن خۆ پاراستنێ بۆ رێگرتن ژ به‌لاڤبوونا ڤایرۆسێ كورونا، ل كه‌ڤانێ دیتنا مه بۆ رژد بوون ل سه‌ر ساخله‌می و سلامه‌تیا میڤانان و ئه‌و كه‌سێن سه‌ره‌دانێ دكه‌ن، كارمه‌ندێن پێشانگه‌هێ، كارگێریا پێشانگه‌هێ بریار دا خولا پازدێ یا پێشانگه‌ها په‌رتوكان یا نێڤ ده‌وله‌تی بۆ ده‌مه‌كی نه‌دیار هاته پاش خستن.
كارگێریا پێشانگه‌ها نێڤ ده‌وله‌تی یا په‌رتوكان سوزدا دڤێ خولا پێشانگه‌هێ دا ل ده‌مه‌كێ دی و پاشه‌رۆژه‌كا نێزیك ئه‌نجام ده‌ن.
