دو ئافره‌ت دبنه به‌رپرس
ئه‌ڤرۆ نیۆز، سالار دۆسكى:
نێچیرڤان سادق سه‌لمان رێڤه‌به‌رێ رێڤه‌به‌ریا لاوان ل پارێزگه‌ها دهۆكێ ئاشكراكر كو پشتى رێنمایێن هه‌ژماره (2) یێن گرێدایى ب ناڤه‌ندێن وه‌رزش و لاوان سه‌ر ب رێڤه‌به‌ریێن لاوان ڤه ل پارێزگه‌هان ده‌ركه‌تین كو دڤێت رێژا ئافره‌تێ یا به‌رچاڤ بیت وه‌ك به‌رپرسێن ناڤه‌ندا، له‌وما وان دو به‌رپرسێن ناڤه‌ندێن وه‌رزش و لاوان ل دهۆك و دێره‌لوكێ دانان، ئارمانج ئه‌وه چالاكیێن ئافره‌تان ب شێوه‌كێ هه‌مه جور بهێنه ئه‌نجامدان و ب شێوه‌كێ به‌رچاڤ ئافره‌ت رۆلێ خوه ببینت و دهه‌موو بیاڤان دا.
ناڤبرى هێشتا ژى گۆت: ل دووڤ رێنمایان ئافره‌تا به‌رپرساتیا ناڤه‌ندا وه‌ربگرت دڤێت باوه‌رناما وێ ژ یا ئاماده‌یى كێمتر نه‌بیت و بلندتر باشه وه‌ك ده‌سپێك و وێ چه‌ندێ دگه‌هینت كو رێژا ئافره‌تێ به‌رب زێده‌بوونێ بچیت، دیسان به‌شێ ئافره‌تان ژى ل رێڤه‌به‌ریان هاتیه‌ڤه‌كرن.
نێچیرڤانى دیاركر ژى كو ژ مێژوویا هه‌بوونا رێڤه‌به‌ریا وه‌رزش و لاوان و هه‌تا نوكه چ جاران به‌رپرسێن ئه‌ڤان رێڤه‌به‌ریان ئافره‌ت نه‌بووینه.
