سلێمانيێ 19 ژن ب تۆمه‌تا له‌شفرۆشيێ ده‌سته‌سه‌ركرن
ئه‌ڤرۆ نيوز:
ئاماره‌كا رێڤه‌به‌ريا پۆليسێن سلێمانيێ ئاشكه‌را دكه‌ت كو ل سالا 2014 ل ناڤ باژێرێ سلێمانيێ 19 ئافره‌ت ب تۆمه‌تا له‌شفرۆشيێ هاتينه ده‌سته‌سه‌ركرن.
ب گۆره‌يى ئه‌و زانياريێن رووداو به‌لاڤكرين ل سالا 2013 ێ 53 ژن ب تۆمه‌تا له‌شفرۆشيێ ده‌سته‌سه‌ركرينه، هه‌ڤبه‌ركى ل گه‌ل 2014 ئه‌ڤ رێژه كێم بوويه.
نه‌قيب سه‌ركه‌وت ئه‌حمه‌د ئاخفتنكه‌رێ ب ناڤێ پۆليسێن سلێمانيێ بۆ رووداو گۆت: “وه‌لاتيان رۆله‌كێ مه‌زن يێ د ئاشكه‌راكرنا جهێن له‌شفرۆشان دا هه‌يى و ئاشكه‌را دكه‌ن”.
ئاماژه ب وێ چه‌ندێ ژى كريه كو ئه‌و نه‌شێن ل ناڤ مالان وى كارى بكه‌ن ژ به‌ر هندێ ژى دچنه جهێن دوورى وه‌لاتيان، به‌لێ ل وان جهان ژى دهێنه ده‌سته‌سه‌ركرن.
ده‌رباره‌يى ناسناما وان كه‌سان ژى دا زانين كو پتريا وان عه‌ره‌ب و ئيرانى نه و گۆت: “خه‌لكێ هه‌رێما كوردستانێ ژى يێ د ناڤ دا هه‌ين”.
