فەرسەت سۆفی: قەدەغەیا هاتنوچوونێ دێ هێتە درێژ کرن
ئەڤرۆ نیوز:
فەرسەت سۆفی پارێزگارێ هەولێرێ دیار کر، ژ پێخەمەت ساخلەمیا وەلاتیان و کۆنترۆلکرنا ڤایرۆسێ کۆرۆنا یێ، وەزیرێ ناڤخۆ یێ هەرێمێ دێ دەمێ قەدەغەیا هاتنوچوونێ درێژکەت و وەزارەتا ساخلەمیێ ژی داخوازکریە، کو هەتا ١٥ ڤێ هەیڤێ قەدەغەیا هاتنوچوونێ بهێتە درێژ کرن.
ناڤهاتی گۆت ژی: وەزیرێ ناڤخۆ یێ هەرێمێ ل گەل وەزارەتا ساخلەمیێ و پارێزگاران و ئیدارێن سەربەخۆ دیراسا پلانەکا نوو دکەن، بۆ درێژکرنا قەدەغەیا هاتنوچوونێ، وەسا بریارە ئەڤرۆ یان سوبە هوورکاری و دەمێ درێژکرنا قەدەغەیا هاتنوچوونێ بهێتە ئاشکرا کرن.
هەروەسا محەمەد قادر پەیڤدارێ وەزارەتا ساخلەمیێ گۆتیە ، وان وەک وەزارەتا ساخلەمیێ داخواز ژ وەزارەتا ناڤخۆ کریە، کو هەتا ١٥ ڤێ هەیڤێ قەدەغەیا هاتنوچوونێ بهێتە درێژ کرن.
