بەرهەم سالح: مووچێ کوردستانێ دستووریە و نابیت ببیتە بابەتەکێ سیاسی
ئەڤرۆ نیوز:
سەرۆک کۆمارێ عیراقێ بانگهێشتا لژنا دارایی ل پەرلەمانێ عیراقێ کریە و گوتیێ، مووچێ فەرمانبەرێن هەرێما کوردستانێ مافەکێ دستووریە و نابیت ببیتە بابەتەکێ سیاسی.
بەرهەم سالح، سەرۆک کۆمارێ عیراق د وێ کۆمبوونێ دا داخواز کریە، دڤێت زوو کار بهێتە کرن بۆ پێکئینانا حوکمەتا نوو، داکو چاکسازی بهێنە ئەنجامدان و کار بهێتە کرن ل سەر باشترکرنا ئابوورێ عیراقێ، ژبەرکو نوکە ب ئەگەرێ کۆرۆنا یێ روو ب روو کێشان بوویە، دیسان دڤێت مافێ فەرمانبەران بهێتە پاراستن.
هەروەسا گۆتیە، هەر جۆرە هووربینیەک د قانوونا بودجەی دا، نابیت رێگریێ بکەت ل پابەندبوونێ ب پێدانا مووچێ فەرمانبەرێن هەرێما کوردستانێ، چونکی ئەڤە مافەکێ دستووریە، دڤێت بهێتە پاراستن ژ گوهۆرینێن سیاسی، پێدڤیە مووچەخۆر نەبنە قوربانیێن ناکۆکیێن سیاسی، دلسۆزێن وەلاتی قەبوول ناكه‌ن، کو وەلاتی باجا ناكۆكیێن سیاسی بده‌ن.