یاری ب چاره‌نڤیسێ شنگالێ دهێته كرن
ئه‌ڤرۆ نیوز، ناجی به‌ده‌ل:
قادر عیدو چاڤدێرێ سیاسیێ ئیزدی بو ئه‌ڤرۆ نیوز دیاركر ململانییه‌كا نه‌ره‌وا دناڤا پارتین سیاسی هه‌یه ل باشوری كوردستانێ و ئیزدی ژی بو نه به‌شه‌ك ژ ئه‌وێ ململانیێ ئه‌و ژی پشتی كاره‌ساتا شنگالی و ئه‌ڤ ململانێ یه ب چو ره‌نگه‌كی خزمه‌تا دوزا كوردی ب شیوه‌یه‌كی گشتی و ئێزدخان ب تایبه‌تی ناكه‌ت .
ناڤبری ئه‌و چه‌نده ژی دا زانین ئه‌و ململانیێ یا نها دناڤا ئیزدیان په‌یدا بوی ژ ئه‌گه‌ر و ئه‌وێ ڤه‌ریژا ململانێ یا پارتێن سیاسی هاتیه و بو مه‌ره‌مین خو یێن سیاسی هنده‌ك پێنگاڤان دهاڤێژن نه ل به‌رژه‌وه‌ندا ئیزدیادانه و د بیته ده‌رازینكه‌كا دو تفاقیێ بو ئیزدیان.
قادری ده‌ربارێ چاره‌كرنا ئه‌ڤی ململانا هه‌ی د بێژیت: زه‌حمه‌ته ب شیین ئه‌ڤی ململانیی نه‌هێلین ل ناڤا ئیزدیان چونكو یێن بوینه به‌شه‌ك ژ ململانیین پارتایه‌تیێ و ئه‌گه‌ری وێ ململلانێ بنه‌مایێ وێ نه ئیزدی بخونه به‌لكو یێن بوینه ئامرازه‌ك و بكارئینه‌ر بو پارتێن سیاسی ل گوری به‌رژوه‌ندێن خو بكاردئینن بو دژواركرنا ئه‌ڤێ ململانیێ.
چاڤدێری سیاسی ئه‌و چه‌نده ژی دیاركر ئه‌گه‌ر ئه‌ڤ ململانێ یه یا ره‌وا و ل به‌رژه‌وه‌ند و خزمه‌تا دوزا كوردایه‌تیێ و ئیزدیان بیت تشته‌كێ درۆستة لی یا نه درۆست ئه‌وه یا نها دهێته كرن ل ده‌ڤه‌رێن ده‌رڤه‌ی ئیدارا هه‌ریما كوردستانێ و یا شنگالێ یاریكرنه‌كه ب چاره‌نڤسێ شنگالێ دهێته كرن و ب مه‌ترسیدار دبینم له‌ورا دڤیت پارتین سیاسی ب ژیرانه و هشیارانه سه‌ره‌ده‌ریێ ل گه‌ل ئه‌ڤی بابه‌تی بكه‌ن .
