پرۆژه‌كێ هونه‌رى دێ ل ئینشكێ هێته ئه‌نجامدان
ئه‌ڤرۆ نیوز: مه‌حمود نهێلى
نه‌ڤرۆز شه‌عبان رێڤه‌به‌رێ ره‌وشه‌نبیرى و هونه‌رى ل ئامێدیێ بۆ ئه‌ڤرۆ نیوز دیاركر، كو هه‌ر ئه‌ڤرۆ 5/2/2015 ده‌ست ب بویاغكرنا دیوارێ ئینشنكێ هاته كرن كو به‌رى نها ب دیوارێ قه‌سرا سه‌دام دهاته نیاسین بۆ وێ یه‌كێ وێنه‌یێ پێشمه‌رگه‌یێن قه‌هره‌مان ل سه‌ر بهێنه نه‌خشاندن.
رێڤه‌به‌رێ ره‌وشه‌نبیرى و هونه‌رێ ل ئامێدیێ گۆت: ( كارێ چێكرنێ ژلایێ مه ڤه هاتیه ئه‌نجامدان و ب هه‌ڤكاریا كه‌ساتیێن ده‌ڤه‌رێ و چه‌ند ئه‌ندام په‌رله‌مانێن كوردستانێ و ده‌وله‌ماندان ئه‌م شیاینه كوژمه‌كێ پاره‌ى كوم بكه‌ین و ڤى كارێ پیرۆز پێ ئه‌نجام بده‌ین).
ناڤبرى ئه‌و یه‌ك ژى خویاكر، كو پشتى هشك بوونا ڤى بۆیاغێ دێ ده‌ست ب نه‌خه‌شاندانا ڤى دیوارى هێته كرن و دێ چه‌ندین وێنه‌یێن قاره‌مانیێن جودا جودا یێن پێشمه‌رگه‌ى ل سه‌ر هێنه چێكرن و دێ ژلایێ وێنه‌كێش و هونه‌رمه‌ندێن زیره‌ك ڤه ئه‌ڤ كاره هێته ئه‌نجامدان.
ناڤبرى هیڤى ژى خوست كو ب نه‌خشاندنا ڤى دیوارى ب وێنه‌یێن پێشمه‌رگه‌ى ناڤێ دیوارى ژى بهێته گوهۆرین ب دیوارێ پێشمه‌رگه‌ى و ده‌ست خوه شیى ل وان كه‌سان دكه‌ین یێن هاریكاربووینه دگه‌ل مه بۆ ئه‌نجامدانا ڤى كارى.
