پاشه‌رۆژا مرۆڤاتیێ د مه‌ژی و ره‌فتارێن ره‌شێن داعشێ دا
ده‌ما تووشی نه‌ساخیه‌كا ماسۆلكێن دلی بووی و ره‌وش گه‌هشتیه گوپیتكێ، گۆت هه‌ر كه‌سێ ژ من جودا هه‌ر وه‌كی گه‌فا هه‌بوونا منه ل سه‌ر ئه‌ردی، یان دڤێت من بكوژیت، ئاۆوزتر بوو ده‌ما تووشی خوه‌كوره‌كرنێ بووی، كه‌رب ژ من ڤه‌بوون، ئه‌م هه‌موو بووینه دوژمن، ئه‌ز، هه‌ڤال، خێزان، ئه‌و ئێدی ژ راستیێ ناگه‌ڕێت و هه‌وڵا چاره‌سه‌ركرنا گرفته‌كێ یان رێیه‌كا باشتر بۆ ته‌ماشه‌كرنا خه‌لكێ جیهانێ ناده‌ت، ئه‌و ته‌ڤ ژێده‌رێن خوه یێن هزری ئاراسته دكه‌ت بۆ ڤه‌كۆلین ژ به‌لگه‌هێن كو راستیا ئایدۆلۆژیا وی باوه‌ری پێ هه‌ی دسه‌لمینت، له‌وڕا هه‌موو شیانێن خوه ژ بۆ به‌رڤانیكرن و به‌ڵاڤكرن و شاندنا ئایدۆلۆژیان خوه ئاراسته‌كرن، ئه‌ڤ كاره په‌یتا په‌یتا دێ كارتێكرنێ ل سه‌ر په‌یوه‌ندی یێن مرۆڤاتیێ یێن وی كه‌ت، كو ل دووماهیێ دێ ته‌سك بن و ب تنێ دێ وان ڤه‌گریت یێن دهه‌مان گۆشه یا هه‌ڤپشك دا ته‌ماشه‌ی جیهانێ دكه‌ن، دێ دكوۆكبن ل سه‌ر وێ یا وان باوه‌ری پێ هه‌ی.
نها دخۆت و هه‌ناسه‌یێ دده‌ت و دژیت ئایدۆلۆژیا، بابه‌تیبوون و بێلایه‌نی وان گرێده‌ت ب تشته‌كی وه‌كی جێگیریا هزری، بێی هه‌ست بكه‌ت ل گه‌ل په‌یره‌وی ئێك دگریت، خه‌ندقی د ناڤ درێژاهیان دا و رۆژه‌كێ رادبیته‌ڤه و خوه دبینیت پشكه‌ك ژ قه‌واره‌كا ب هێز ب ناڤێ ده‌مارگیری، د قووناخه‌كێ دا د ناڤبه‌را ئێكه‌م گۆتارا من گوه لێبووی د ژیانا وی دا ل سه‌ر هزرێ یا وی نها باوه‌ری پێ هه‌ی و ئێكه‌م پرتووكا ڤه‌خواندی و ئێكه‌م گۆتارا نڤیسكی و د ناڤبه‌را وێ چركه‌یێ دا و نها دا، من لۆژیك و عه‌قل ژ ده‌ستدان، پاشان و پشتی ئه‌و قه‌واره هاتییه گرێدان ب قه‌واره‌كا سیاسی یا زیندی و هه‌یی ل سه‌ر ئه‌ردی یا شیانا هاریكاریێ بۆ ڤه‌كۆلینا كاره‌كی و به‌رفره‌هكرنا بازنێ زانینان و هه‌ڤالان یێن وه‌كی خوه، بازنێ واز لێئینان و ده‌ستبه‌رداریان مه‌زنتر بوو، هه‌یا خوه دبینیت نه‌چاره كو ده‌ستبه‌رداریێ ژ مرۆڤبوونا خوه بكه‌ت، گه‌هشته قووناخا نه ڤه‌گه‌ڕێ و نه‌چاره دوور ل گه‌ل وان بچیت یێن نوونه‌راتیا ئایدۆلۆژیا وێ دكه‌ن ب هه‌ر بهایه‌كی بیت.
هه‌یا گه‌هشتیه وی راده‌ی كو هه‌ڤكێشه بوویه عه‌قل ل به‌رامبه‌ر ئایدۆلۆژیایێ و مخابن مرۆڤاتی ل به‌رامبه‌ر ئایدۆلۆژیایێ، هه‌كه ته‌ماشه‌ی دیرۆكێ ژی بكه‌ین كو هه‌موو كوشتارگه‌ه و جه‌نگ و كاره‌سات یێن كو دیرۆك تژی كری ژ خه‌م و گریێ و تاوانێ، دێ بینین كو ل پشت وان تاوانان خه‌لكه‌ك بوویه ده‌ست ژ مرۆڤاتیێ یا خوه هه‌لگرتیه ل به‌رامبه‌ر ئایدۆلۆژیایێن خوه، ئایین د پشكه‌كا خوه دا ئایدۆلۆژیایه هه‌ر وه‌كی بێ ئایین و ئیلحاد و ماركسیزم و چه‌پ و سه‌رمایه‌داری و سوشیالیزم و لیبرالیزم كو هه‌موو ئایدۆلۆژیانه، هه‌موو هه‌ول دده‌ن چاره‌سه‌ران پێشكێش بكه‌ن، هه‌موو وێنه و دید و بۆچوونن و هه‌بوونێ ژ گۆشه‌كی پێشكه‌شی مه دكه‌ن، هه‌موو هه‌وڵا به‌رسڤدانا گرفتێن مرۆڤی دده‌ن، هه‌موو د خزمه‌تا مرۆڤی دانه، د خزمه‌تا عه‌قل و باوه‌ری و گومانێن مرۆڤی دانه، له‌وڕا ژی هه‌ر تشت دێ یێ به‌روڤاژی بیت ده‌ما مرۆڤ و مرۆڤاتی بهێنه بكارئینان كو د خزمه‌تا ئایدۆلۆژیایێ دابن، له‌وڕا ده‌ما مرۆڤ خولیایێ عه‌قلیه‌تا ئاینی یا مه‌زهه‌بی دبیت، نشتیمان د چاڤێن وی دا بچووك دبیت، ب تنێ تێرا وی دكه‌ت، ئه‌و د ناخێ خوه دا بچووك دبیت و فێره ئێك بۆچوونا تاك هزری دبیت ل سه‌ر كیستێ مرۆڤاتی و وه‌لاتی.
ئه‌وێن ئایین ب ئایدۆلۆژیا گرتی وه‌كو داعشێ عه‌قلێن خوه داخستینه و هه‌لوه‌شاندینه و وه‌ڵاتێن خوه سڤك و كێم كرینه د به‌رامبه‌ر سه‌رابا خیلافه‌تا داعشێ كو خیلافه‌تا خورافه‌تێ یه، له‌وڕا ژی نه تشته‌كێ سه‌یره د جڤاكێن خیلافه‌تێ دا خورافه و سه‌راب تێدا ببنه ئه‌لته‌رناتیڤێن عه‌قلی و عه‌قلانیه‌تێ و ئایدولۆژیا ژی ببیته ئه‌لته‌رناتیڤێ مرۆڤی و مرۆڤاتیێ و مه‌زهه‌بیه‌ت ببیته ئالته‌رناتیڤێ وه‌ڵات و وه‌ڵاتیبوونێ، ئاینی ببیته ئه‌لته‌رناتیڤێ شارستانی و شارستانیه‌تێ.
خیلافه‌تا ئیسلامی یا داعشێ چه‌ند یا سه‌یره بهایێن كو شانازی پێ دكه‌ت، حه‌لاكرنا سه‌ر ژێكرنا مرۆڤان، شه‌وتاندنا ب ساخی، فروتنا ژنان و كوشتنا زاروَیان، د به‌رامبه‌ر دا حه‌رامكرنا ژه‌نینا ئامیرێن موزیكێ، ره تاشین، فرۆتنا كه‌لوپه‌لێن جوانكاریێ، ده‌ركه‌فتنا ژنێ ل مال و. .. تد، ل دووماهیێ ب تنێ مایه بێژم مرۆڤاتیێ نه‌فره‌تێ ژ كلتوورێ و دكه‌ت و شه‌رمێ ژ دۆرنده‌یاتی یا هه‌وه دكه‌ت.
