د خولا ئیراقێ دا باسكێت بۆلا زاخۆ بەرانبەر دەلیڤەیەكا زێڕینە
بڕیارە ئەڤرۆ دەست ب هەڤڕكیێن قووناغا دویێ یا خولا پیشەكاران بۆ یارییا باسكێت بۆلا ئیراقێ لسەر ئاستێ پێشكەڤتیان ل باژێرێ زاخۆ بهێتە كرن و یانەیا زاخۆ وەكو نوونەرا ئێكانە یا پارێزگەهێ و ئیدارا سەربەخۆ دناڤا هەڤڕكییان دایە و بەرانبەر دەلیڤەیەكا زێرینە بۆ هەڤڕكییا ڕێزێن پێشیێ.
یارییا ئەڤرۆ یا زاخۆ دێ بەرانبەر یانەیا سایبس یا هەولێری ل دەمژمێر شەشێ ئێڤاری ل هۆلا گرتییا بنگەهێ وەرزش و لاوان هێتە كرن، تیما زاخۆ د قووناغا ئێكێ دا شیابوو سەركەڤتنێ ل سەر سایبس بینیت و دڤێ قووناغێ دا پێنچ سەركەڤتنان بەرانبەر خوسارەتییەكێ ل ڕێزا دویێ بهێت ب كۆمكرنا نەهـ خالان، ئەوا یانەیا ئەلدیفاع ئەلجەوی سەرێ لیستێ بهێت ب كۆمكرنا 10 خالان، سایبس ڕێزا سێیێ دهێت ب هەشت خالان.
هەرچار یاریێن دی یێن تیما زاخۆ دڤێ قووناغێ دا
زاخۆ -نەفت ئەلشیمال، 22-5-2026ێ، هەشتی شەڤ هێتەكرن.
زاخۆ- دیفاع ئەلجەوی، 23-5-2026، هەشتی شەڤ هێتەكرن.
زاخۆ- عومال نەینەوا، 25-5-2026، شەشێ مەغرەب هێتەكرن.
زاخۆ- غاز ئەلشیمال، 26-5-2026ێ، شەشێ مەغرەب هێتە كرن.
بۆ زانین د وەرزێ ئەڤ سالە دا فدراسیۆنا باسكێت بۆلا ئیراقێ شێوازێ هەڤڕكیێ ل سەر ناسناڤێَ گوهۆڕتییە، ئەوا12 یانە پشكدارن و هاتینە بەلاڤكرن ل سەر دو كۆمان، كۆما ئێكێ پێكهاتیە ژ، زاخۆ، نەفت ئەلشیمال، سایبس، دیفاع ئەلجەوی، عومال نەینەوا و غاز ئەلشیمال، یاریێن وێ ل كەركووكێ دهێنە كرن، كۆما دویێ پێكهاتینە ژ دیجلە ئەلجامیعە، نەفت میسان، كارەبا، حللە، ئەلیەقزە و حەشد ئەلشەعبی، یاریێن وێ ل پایتەختێ ئیراقێ بەغدا دهێنە كرن، چار یانە ژ هەر كۆمەكێ دێ دەربازبنە قووناغا هەشتێ پلەی ئۆف ئەوا دێ ل 29 و 30ێ ڤێ مەهێ هێنە كرن.
