فاتما موسلح: ئەز گەلەکم بۆ سەمایێ
ئەڤرۆ، ھەرھین محەمەد:
فاتما موسلح، ئەنداما تیپا دھۆک یا ھونەرێ مللی، د دیدارەکێ دا بۆ رۆژناما ئەڤرۆ گۆت: نوکە ئەم مژوولی بەرھەمەکی نە ب ناڤێ (پانۆراما نشتیمان) کو ب ھەڤکاریا رێڤەبەریا رەوشەنبیری و ئێکەتیا لاوێن دیموکراتا کوردستانێ،ل گەل کومەکا شانۆڤانێن دھۆکێ و ژدەرھێنانا ھونەرمەند ئەحمەد مشەختی یە و ل بەرە ل نێزیک بھێتە نیشادان.
ناڤھاتیێ گۆت: گەلەک جۆرێن سەمایێ یێن ھەین وەکو سەما ل گەل روتمێ بلند و نزم و ھەکە مۆزیک یا نەرم بیت مرۆڤ دشێت ب دەمژمێران سەمایێ بکەت و دجڤاکێ مەیێ مەیێ کوردی دا رێگری ل ھەمبەر حەزێن کچێ ھەنە و ھەرکچەکا حەزا کارەکی ھەبیت چ پێ نەڤێت ھەردێ ئاستەنگ درێیا وێ دا ھەبن و ھەتا نوکە چو ئاستەنگ بۆ من چێ نەبووینە، بەلێ گەلەک ژ کەسوکارێن من ب دلێ وان نینە ڤی کاری دکەم، بەلی َخێزان و ھەڤالێن من گەلەک ل گەل من دھاریکارن و بۆ من بووینە پشتەڤان کو ھەریا بەردەوامبم و ھەموو دەمان بەرسڤا من بۆ وان کەسان ئەوە کو دبێژنە من ئەڤ کاری َتۆ دکەی نە یێ دروستە دبێژمە وان ھەرکارەکێ حەزا مرۆڤی ل سەر نەبیت مرۆڤ سەرکەفتنێ نائینت، و سەمایێ گەلەک تشت یێن داینە من وەکو کەیف خۆشی و ھەستپێکرن ب ژیان کارتێکرن ب دەوروبەران و ئەو تشتێن من داینە سەمایی َمرۆڤن کریارا دئینە ھەبوونێ و بشێن تشتەکێ خەیالی بکەینە راستی و سەمایێ گەلەک تشت یێن داینە من و ئەز ژی گەلەکم بۆ سەمایێ.
