کارەب بۆ ھەشت خالێن پێشمەرگەی ل ناحیا بامەرنێ ھاتە کێشان
ئامێدیێ، مەحمود نھێلی:
رێڤەبەرێ کارەبا ئامێدیێ بۆ رۆژناما ئەڤرۆ دیار کر، وان کارەب بۆ ھەشت خالێن پێشمەرگەی ل سنوورێ ناحیا بامەرنێ دابینکریە، پشتی کو سێ گوھۆڕک بۆ ھاتینە دانان و ھێلەکا نوو بۆ ھاتیە راکێشان.
ئەندازیار ئارام جەلال، رێڤەبەرێ کارەبا ئامێدیێ بۆ رۆژناما ئەڤرۆ دیار کر، ئەو حەفت خال ل گەل زالگەھەکا کونترۆلێ دکەڤنە سنوورێ ناحیا بامەرنێ و ھەتا نوکە کارەب بۆ نەھاتبوو دابینکرن و گۆت: “مە چەندین ستوونێن نوو یێن کارەبێ بۆ داناینە، ھەروەسا کێبل بۆ راکێشایە و سێ گوھۆڕک ژی ل وان دەڤەران داناینە”.
ناڤھاتی خویا کر، نوکە چەندین پرۆژێن دی یێن راکێشانا کارەبێ و نووژەنکرنا رووناھیا ناڤ باژێران و دووسایدان د وارێ ب جھئینانێ دانە و ھژمارەکا زۆرا پرۆژان ژی ب دووماھی ھاتینە و د ڤان نێزیکان دا دێ دەست ب چێکرنا یێن مایی ھێتە کرن.
