بتنێ دێ سترانێن سینگل چێکەت
دھۆک، زنار تۆڤی:
سترانبێژا گەنج ئێلین خاچاتورۆڤا، کو نوکە د ژیێ بیست سالیێ دایە و ل وەلاتێ ئەرمەنستانێ دژیت، د دیدارەکێ دا بۆ رۆژناما ئەڤرۆ دیارکر کو ئەو د بنیات دا ئەرمەنییە، لێ زمانێ کوردی باش دزانیت و گەلەک حەز ژێ دکەت و ب ھەردو زمانێن کوردی ئەرمەنی سترانان دبێژیت و ھەتا نوکە چەندین کلیپ ب زمانێ کوردی چێکرینە، مالباتا وان ژی باش زمانێ کوردی دزانن، ئەو حەز دکەت سەرەدانا کوردستانێ بکەت و چەند سنرانان تۆمار بکەت، ھەروەسا ل دەمێ زارۆکاتییا خوە وێ گوھدارییا سترانێن ئارامێ تیگران کرینە، ئەڤە ژی بوویە ھوکار کو ئەو سترانان ب زمانێ کوردی بێژیت و وێ ڤییایە ب رێیا سترانێن خوە خزمەتا سترانا کوردی بکەت.
ناڤھاتیێ گۆت: ئەڤە چەند ھەیڤ بوون، من چو ستران تۆمار نە کربوون، لێ نوکە مژوولی تۆمارکرنا سترانەکا نوو مە، دێ ب ھەردو زمانێن کوردی و ئەرمەنی بێژم و ل ڤان نێزیکان دێ کلیپ کەم و من ل بەرە سترانەکێ ب دیالێکتا کرمانجییا خوارێ ژی بێژم و ھەتا نوکە من ھزر د ھندێ دا نەکریە ئەلبۆمان چێکەم بەلکو ب تنێ دێ سترانێن سینگل چێکەم و کلیپ دکەت، چونکو نوکە سترانێن سینگل و کلیپان پتر رۆلێ ھەیە.
