راگەھاندنێ گەلەک خۆشی داینە من
ئاکرێ، رەمەزان ھەرنی:
میدیاکارا گەنج مەریەم ئەحمەد ھەرکی، د دیدارەکێ دا بۆ رۆژناما ئەڤرۆ گۆت:ل شواتا سالا بۆری من دەست ب کارێ راگەھاندنێ کریە، ل وی دەمی ھەتا نوکە ل ھژمارەکا دەزگەھێن راگەھاندنی کارکریە وەک تیڤی و رۆژنامە و نوکە ژی د ئێک دەمدا ل دو تیڤیان کار دکەم، و ئەو دەزگەھێن من کار لێکری وەک نوێ ژین و زاری کرمانجی و فولکلۆر ونوکە ژی ل کەنالێ ئەربیل تیڤی و ھیلال میدیا مە و راگەھاندن شیایە گەلەک خۆشیا بدەتە من و گەلەک حەزژ کارێ خوە یێ راگەھاندنێ دکەم و من دڤێت ب رەنگەکێ باشتر کار بکەم.
ھەروەسا گۆت: من حەزەکا زۆر بۆ راگەھاندنێ ھەبوو، لەوما من رائەڤ کارە ھەلبژارت، ژبەرکو دەمەکێ کێمە د ناڤ راگەھاندنێ کار دکەم ئەز یا بزاڤان دکەم خوە پتر پێبگەھینم دا ئەو پەیاما من ھەی ب دروستی بگەھینم، و ل دەستپێکێ مامۆستا قەھرەمان ھەرکی، دووڤدا خێزانا من پشتەڤانیا من دکرن و من دڤێت ب دروستی بنەمایێن راگەھاندنێ بزانم و ب شێوێ ئەکادیمی کار بکەم، پاشی ئەو پرۆژێن من ھەین بۆ راگەھاندنێ کاری ل سەر بکەم.
