د وێنه‌گرتنێ دا چاڤه‌كێ خوه ژده‌ست دایه
ئه‌ڤرۆ، هه‌رهین محه‌مه‌د:
وێنه‌گر شۆڕه‌شڤان شه‌وكه‌ت ئیسماعیل، د دیداره‌كێ دا بۆ رۆژناما ئه‌ڤرۆ گۆت: وێنه‌گرێ راسته‌قینه دڤێت یێ چاڤ نه‌ترس بیت دكارێ خوه دا و تشتێ ڤه‌شارتی ب ره‌نگه‌كێ راست و دورست ب چاڤكێ كامیرا خوه دیاربكه‌ت دا كو په‌یاما وی دروست بگه‌هیت و كه‌سێ به‌رامبه‌ری خوه ژ خوه رازی بكه‌ت، به‌لێ بتنێ ئه‌ڤه بۆ وێنه‌گرێ ڤیدیۆیێ و هه‌كه به‌حسێ وێنه‌گرێ فوتۆگرافی بكه‌ین كارێ وی جودایه ژ كارێ ڤیدیۆیێ، چونكو وێنه‌گرێ ڤیدیۆیێ دڤێت یێ سه‌ر خوه بیت دوێنه‌كرنێ دا، به‌لێ وێنه‌گرێ فوتۆگرافێ دڤێت ل تشتێ جوان بگه‌ریت و وێنان بۆ بگریت.
زێده‌تر گۆت: دشێم كارێ ڤیدیۆیێ و فوتۆگرافێ بكه‌م، به‌لێ پتر ل گه‌ل ڤیدیۆیێ یێ ئارامم و ب تایبه‌تی ل به‌رۆكێن شه‌ری ده‌مێ ل ده‌ستپێكا هاتنا تیرۆرستێن داعش هه‌تا كو ب دووماهیی هاتی مل ب ملێ پێشمه‌رگه‌ی ڤه بووم من شه‌ر ڤیدیۆ دكر ئه‌و ده‌م بۆ من گه‌له‌ك یێ خۆش بوو، چونكو من راستیه‌ك وێنه دكر و دناڤ راستیه‌كێ دابووم و ئه‌و راستیه من ب چاڤێن خوه دیت و بتنێ مه د فلماندا دیت شه‌ر دهاته وێنه‌كرن و ئه‌و شه‌ره تشته‌كێ چێكری بوو، و تشتێ نه‌خۆش بۆ من دكارێ وێنه‌گریێ دا ده‌مێ وێنه‌كرنا شه‌ری من چاڤه‌كێ خوه ژده‌ست دا.
ل دووماهیێ گۆت: به‌ری نوكه دا هه‌رهیڤیه‌كا من هه‌ی ب جه هات، به‌لێ پشتی هاتیمه دناڤ كارێ راگه‌هاندنی َدا و من ل چه‌ند كه‌نالێن جودا جودا دا كاركری بتنی چ ئه‌و بۆ به‌رژه‌وه‌ندێن خوه یێن تایبه‌ت وێنه‌گری ب كاردینن و ناهێلن مرۆڤ به‌رب هیڤێن خوه ڤه بچیت.
