ئه‌ڤرۆ پشكا نشته‌رگه‌یان ل نه‌خۆشخانا ئامێدیێ دێ هێته ڤه‌كرن
مه‌حمود نهێلی:
بڕیاره ئه‌ڤرۆ ب ئاماده‌بوونا رێڤه‌به‌رێ گشتی یێ ساخله‌میا پارێزگه‌ها دهوكێ و چه‌ندین به‌رپرسێن میری و حزبی ل ده‌ڤه‌رێ، پشكا نشته‌گه‌ریان ل نه‌خۆشخانا ئامێدیێ بهێته ڤه‌كرن، پشتی كو ژلایێ رێكخراوه‌كا ئیتالی ڤه هاتیه دروستكرن.
دكتۆر شاكر عه‌بدولعه‌زیز، رێڤه‌به‌رێ ساخله‌میا قه‌زا ئامێدیێ بۆ رۆژناما ئه‌ڤرۆ دیار كر، پشكا نشته‌گه‌ریان ژ دو هولێن نشته‌گه‌ریان پێك دهێت كو ل سه‌ر بنه‌مایێن زانستی و پێشكه‌فتی هاتینه دروستكرن و هه‌موو ئامیره و كه‌ره‌ستێن پێدڤی بۆ ڤان هولان ژلایێ رێكخراوا (AISPO) یا ئیتالی ڤه هاتینه دابینكرن.
دكتۆر شاكر گۆت: “ئه‌ڤرۆ 30/5/2021 ئه‌ڤ پشكه دێ هێته ڤه‌كرن، ب ڤه‌كرنا ڤێ پشكێ دێ شێین خزمه‌ته‌كا باش یا خه‌لكێ ده‌ڤه‌رێ ژلایێ ساخله‌میێ و ئه‌نجامدانا نشته‌گه‌ریان ڤه بكه‌ین”.
