ماموستایه‌كا زانكۆیێ:ب چو ره‌نگان بریارێن مه‌ركه‌زی ل گه‌ل زانكۆ په‌یمانگه‌هێن مه ناگۆنجن
ئه‌ڤرۆ، هه‌رهین محه‌مه‌د:
ماموسایه‌كا زاكۆیێ ده‌ته دیاركرن كو هه‌كه وه‌زاره‌تا خاندنا بلند پلانه‌كا باش هه‌بیت و هه‌ماهه‌نگی هه‌بیت ل گه‌ل زانكۆیا و په‌روه‌ردێ بێگۆمان ئه‌و خاندنا وێ سالێ ژ قوتابی چووی سالا بهێت یا خاندنێ بهێته قه‌ره‌بوكرن، به‌لێ ب چو ره‌نگان ل گه‌ل بریارێن مه‌ركه‌زی نینم، چونكو هه‌ر راگرنك به‌رژه‌وه‌ندیا كولیژا خوه دزانیت و كارتێكرن ل قوتابێن وان نه‌بیت.
ئه‌ڤین سه‌لیم نوری پرۆفیسورا هاریكار و ماموستایا زانكۆیا دهۆك دیداره‌كێ دا بۆ به‌رپه‌رێ په‌روه‌رده و زانكۆ گۆت: په‌تایا كورونایی َكارتێكرنا خوه ل ژیانا هه‌موو مرۆڤان كریه نه‌بتنێ ل خاندنا قوتابیان كریه، به‌لێ ئاستێ خاندنێ ل گه‌ل خاندنا ئه‌لكترونی ناهێته (مقیاسكرن) به‌لكو ل دووڤ ئاستێ قوتابی و ماموستای دمینت و هه‌كه ئاستێ قوتابی یێ باش بوو خاندنا ئه‌لیكترونی چ كارتێكرنا خوه ل قوتابی ناكه‌ت، به‌روڤاژی دئاستێ وی بلند بیت و هه‌كه ئاستێ ماموستایێ باش بوو چ ئه‌لیكترونی بیت، یان خاندنا دهولێ ڤه بیت هه‌ردو رێك ته‌مامكه‌رێن ئێكن، به‌لێ كارنتێكرن دێ ل یێ دی بیت.
ئه‌ڤینێ زێده‌ترژی گۆت: ئاستێ خاندنێ نه بتنێ ل زانكۆیێن كوردستانێ و عیراقێ هاتیه خارێ، به‌لكۆ ل هه‌موو زانكۆێن جیهانێ هاتیه خارێ و هه‌كه ئه‌م به‌حسێ كوردستانێ بكه‌ین باشی و خرابێ خوه هه‌بووینه ئه‌م وه‌كو زانكۆ و ئێك ژخرابێن وێ ئه‌و بۆ ئاستێ ته‌كنه‌لۆژی هند یێ باش نینه كو كارتێكرنا خوه ل كوردستانێ كربیت ب شێوه‌كێ گشتی كارتێكرن ل هه‌موو جیهانێ كریه نه بتنێ ل كوردستانێ و عیراقێ ودیسان عیراق ژوان وه‌لاتایه دانپێدانێ ب خاندنا ئه‌لیكترونی ناكه‌ت و گه‌له‌ك وه‌لات هه‌بووینه مرۆڤ ل مالا خوه دخوینت و ئه‌و دانپێدانێ ب وێ خاندنێ دكه‌ن وه‌كو بریتانیا و ئه‌مریكا و گه‌له‌كێن دی، به‌لێ چونكی كاودان نه‌خوشن و دسه‌رهندێ را زانكۆێن مه یێن دهۆكێ و كوردستانێ شیایه خوه ل گه‌ل ڤان كاودانان ب گۆنجینن، به‌لێ هه‌كه وه‌زاره‌تا خاندنا بلند پلانه‌كا باش هه‌بیت و هه‌ماهه‌نگی هه‌بیت ل گه‌ل زانكۆیا و په‌روه‌ردێ بێگۆمان ئه‌و خاندنا وێ سالێ ژ قوتابی چووی سالا بهێت یا خاندنێ بهێته قه‌ره‌بوكرن و مه ل زانكۆیا مه سه‌روك زانكۆ راگرۆ سه‌رۆك به‌ش هه‌نه ئه‌و دشێن پلانێن خوه ب دروستی ب دارێژن و سه‌رۆك زانكۆ ب گه‌هینته وه‌زاره‌تێ و پلانه‌كا باش بهێته دانان و قوتابی مفای ژێ وه‌رگرن .
ماموستایا زانكۆیێ ئه‌و چه‌نده‌ژی گۆت: هه‌كه بابه‌ت ب خازیت بابه‌ت دو رۆژان بهێته شرۆڤه‌كرن من باوه‌ری هه‌یه قوتابی دێ شێت خوه گونجینت ل گه‌ل وێ خاندێ، به‌لێ هنده‌ك زانكۆ په‌یمانگه‌ه مه هه‌نه دبیت بابه‌تێن وان پتر پراكتیكی نه و هنده‌ك په‌یمانگه‌ه هه‌بووینه پتر ژدو رۆژان ده‌وام كریه ژ بۆ وێ یه‌كێ ئه‌و بابه‌تێ وێ سالێ دهێته شرۆڤه‌كرن و چو كارتێكرن ل سه‌ر نه‌بیت و خاندن ئه‌وه قوتابی دهۆلا خاندنێ ڤه ئاماده‌بیت و ماموستا قوتابی بینت و پرسیار بهێنه‌كرن و به‌رسڤ بهێنه دان و هه‌موو مفای ژ وێ دان و ستاندنێ وه‌رگرن وه گه‌له‌ك جوداهی هه‌یه ده‌مێ وانه ب پرۆگرامێ زووم بهێته شرۆڤه‌كرن، یان قوتابی یێ ئاماده‌بیت دهۆلا خاندنێ ڤه و كا چه‌وان ریكلامه‌ك ل رادیویێ بهێته‌گۆتن و ل ته‌له‌ڤزیونێ ژی بهێته نیشاندان ب ده‌نگ ره‌نگ پشت راستی كارتێكرنا خوه هه‌یه و هه‌كه ده‌نگه‌و ره‌نگ هه‌بیت دێ باشتربیت، به‌لێ ئه‌ڤ كاودانه نه ب ده‌ستێ كه‌سێ بۆ ئه‌م وه‌كو ماموستایێن زانكۆیێ و قوتابی شیان خوه ل گه‌ل ڤی پرۆگرامی گۆنجاندی و هه‌ربابه‌ته‌كێ ب تیوری بیت مه ب پرۆگرامێ زووم گه‌هاندیه قوتابیان و هه‌كه بابه‌ت پراكتیكی بیت قوتابی چووینه زانكویێ وان دو رۆژان ده‌وام كریه، به‌لێ هه‌ردبێژم خاندنا ب دروستی ئوه قوتابی دهۆلا خاندنێ دا یێ ئاماده بیت پتر مفا ژێ دهێته وه‌رگرتن.
ناڤهاتیێ گۆتژی: چو جاران ل گه‌ل بریارا مه‌ركه‌زی نینم، هه‌ر زانكویه‌ك و كولیژه‌ك و په‌یمانگه‌هه‌ك دزانیت قوتابێن وان پێدڤی چنه و هه‌كه (صلاحیات) بده‌نه سه‌روك زانكویا و راگرێن كولیژان دێ باشتر بیت و ئه‌و دێ پتر خوه گونجینن ل گه‌ل ڤی كاودانی و هه‌كه بێژین قوتابیان دو رۆژان ده‌وام كریه دبیت هنده‌ك كولیژه هه‌بن سێ رۆژان ژی ده‌وام كریه و په‌یمانگه‌ه هه‌بووینه چار رۆژان ده‌وام كریه، چونكو بابه‌تێن وان هند رۆژان دخازن .
