مهترسی ل سهر بیرێن ئاڤا ڤهخوارنێ ل شێخان پهیدا بوویه
شێخان، بارزان مزووری:
رێڤهبهرێ ئاڤا شێخان بۆ رۆژناما ئهڤرۆ دیار كر، هندهك بیرێن ئاڤا ڤهخوارنێ ل قهزا شێخان ئاریشه بۆ دروست بووینه و رێژا نیتراتی د ناڤ ئاڤا وان دا زێدهبوویه و رۆژ ب رۆژێ ژی ئهو رێژه زێده دبیت و نوكه ئاڤا وان ب كێر ڤهخوارنێ ناهێت.
ئهندازیار خهیری خدر، رێڤهبهرێ ئاڤا شێخان خویا كر، ژ بهر زێدهبوونا رێژا نیتراتی د ناڤ ئاڤا وان دا، دهرگههێ چار بیران هاتیه گرتن، ئێك دكهڤیته گوندێ بهركچكێ و دو بیر د ناڤ سهنتهرێ ناحیا باعهدرێ دا و بیرهك ل گوندێ مام رهشان و نوكه ب چو رهنگان رێ ناهێتهدان ئهو بیر بهێنه بكارئینان.
ناڤهاتی گۆت: “د پلانا مه دایه چار بیرێن دی یێن ئاڤێ ل پێش وان چار بیران ڤه بۆ وهلاتیان بهێنه كۆلان، داكو ئاریشا كێمیا ئاڤێ بۆ وان وهلاتیان پهیدا نهبیت و ژ مهترسیا بیرێن دی قورتال ببن”.