ئه‌ڤساله بهایێ بنكه گیایی دووجاركی بلند بوویه
ئه‌ڤرۆ، ره‌مه‌زان هه‌رنی:
ئه‌ڤساله رێژا شوونبوونا بنكه گیایی ل چاڤ سالێن بووری كێمبوویه، به‌لێ بهایێ وێ دوو قات بوویه ، شاره‌زایێن بوارێ بنكه‌ی گیایی ئاماژێ ب كێمبوونا بنكه گیای دكه‌ن ژ ئه‌گه‌رێ كێمبوونا بارانێ د ساڵێدا.
یاسین حه‌كیم ، وه‌لاتیه‌كێ ده‌ڤه‌را ئاكرێ یه بۆ ئه‌ڤرۆ گۆت: ده‌مێ كۆمكرنا گیایه، به‌لێ ئه‌ڤساڵه ژبه‌ر كێمیا بارانێ د وه‌رزێ شوونبوونا بنكه گیای دا دكێم بوون ئه‌ڤ چه‌نده ژی بۆ ئه‌گه‌ر كۆ ئه‌ڤساله رێژا بنكه گیایی زۆر كێم ببیت به‌لێ گه‌له‌ك ب ساناهی دهێت فرۆتن و بهایێ وی زۆر بلند بوویه ل چاڤ سالابووری و دووقات بوویه پتر ژی.
نه‌جات محه‌مه‌د ، كریكارێ بنكه گیایی ل ده‌ڤه‌را سۆران بۆ ئه‌ڤرۆ گۆت: بهایێ كرینا بنكه گیایی ل دووڤ رۆژێ یه، بهایه‌كێ راوه‌ستایی ل سه‌ر نینه، ئه‌ڤ جۆره بنكه گیایه ل هه‌موو كوردستانێ و جیهانێ هه‌یه ل ده‌شتێ و چیا هه‌یه، ساڵا رێژا بهایێ وی دهێته گوهۆرین دگه‌ل رێژا به‌رهه‌مئینانا وی، ئه‌ڤ جۆره گیایه ب كۆمكرنێ كێم نابیت و سالانه ل سه‌ر بنێ خوه شوون دبیته‌ڤه.
ئاشكرا كر: ئه‌ڤساله ل چاڤ سالێن بووری گیایێ زۆر نه‌بوو تایبه‌ت كۆ باران كێم بوون ئه‌ڤ جۆره گیایه ژی مینا هه‌موو جۆره گیایه‌كێ دی پێدڤی ب رێژه‌كا ئاڤێ هه‌یه كۆ بنكێ خوه مه‌زن بكه‌ت، به‌لێ دیاره ئه‌ڤ ساله وه‌ك رێژه بنكه گیا كێم بووه، به‌لێ بها زۆرتربووه پار سال بهایێ ئێك كیلۆ 60 بۆ 70 هزارا بوو ئه‌ڤساله دووجاركی زێده‌بوویه.
گۆت ژی : ئه‌ڤ ساله چه‌ندین جاران گوهۆرین ب سه‌ر بهایێ كرینا بنكه گیایی دا هاتینه و نوكه كیلۆ ب 100 هزارا بۆ 115 هزار دكرین كۆ یێ هشك و پاقژ بیت، ئه‌ڤ جۆره گیایه ل نافخۆ ناهێته بكارئینان و پتر دهێته ڤه‌گوهاستن بۆ ده‌رڤه‌ی كوردستانێ هنده‌ك ژێده‌ر به‌حس ل وێ چه‌ندێ دكه‌ن كۆ ئه‌ڤ گیایه بۆ خوارنێ ژی دروسته كۆ مرۆڤ بخون، هنده‌ك ژێده‌ر ژی دبێژن دبیته ده‌رمان بۆ دوندرمێ تایبه‌ت ل وه‌لاتێن ده‌رڤه.
