ژ به‌ر هشكه‌سالیێ ب هزاران ماسی ل دینارته مرن
دینارته، ره‌مه‌زان هه‌رنی:
ژ به‌ر هشكه‌سالیێ و نه‌هاتنا بارانان ل سنوورێ ناحیا دینارته هژماره‌كا زۆرا ماسیان ل گه‌لیێ زنتا مرن.
شه‌عبان خه‌لیل به‌رواری، رێڤه‌به‌رێ ناحیا دینارته بۆ رۆژناما ئه‌ڤرۆ راگه‌هاند، ژ به‌ر هشكه‌سالیێ و كێمبوونا ئاڤێ ل گه‌لیێ زنتا و هشك بوونا گومێن ئاڤێ ل سنوورێ ناحیا دینارته ب هزاران ماسی مرن.
شه‌عبانی گوت: “سالانه ژێده‌رێن ئاڤێ كو كانیكێن ئاڤێ نه، ل گه‌لیێ زنتا كێم دبوون، به‌لێ ئه‌ڤ ساله هشكبووینه و بوویه ئه‌گه‌ر ب هزاران ماسی بمرن”.
گۆتژی: “ئه‌ڤ ساله پتری هه‌موو سالان ئاڤ ل ده‌ڤه‌رێ كێمبووینه و زیان گه‌هاندیه كه‌رتێ چاندن و ئاژه‌لداری ژی ل ده‌ڤه‌رێ”.
