دو سترانێن نوو دێ تۆماركه‌ت
ئه‌ڤرۆ، رێوار محه‌مه‌د ره‌شید:
هونه‌رمه‌ند عه‌دنان سالح، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیار كر كو وی دو سترانێن نوو به‌رهه‌ڤكرینه بۆ وێ چه‌ندێ تۆمار بكه‌ت ئێك ژوان سترانان بابه‌تێ وێ ل دۆر ئه‌ڤینیێ یه و ژ په‌یڤ و ئاوازێن (یوسف ره‌مه‌زان) ی یه و سترانا دویێ ژی بابه‌تێ وێ ل دۆر فه‌لسه‌فا ژیانێ یه و ژ په‌یڤێن نڤیسه‌ر (هه‌ڤال زاخۆیی) و ئاوازێن هونه‌رمه‌ند (سه‌میر زاخۆیی) یه، به‌لێ نوكه ئه‌و چاڤه‌ڕێ سپۆنسه‌ره‌كی دكه‌ت بۆ وێ چه‌ندێ ڤان هه‌ر دو سترانێن خوه یێن نوو تۆمار بكه‌ت و دووڤ دا بكه‌ته كلیپ و گۆت: “بۆ ڤان هه‌ر دو سترانێن خوه یێن نوو من داخوازا سپۆنسه‌ریێ ژ چو جهێن په‌یوه‌ندیدار و كۆمپانیان نه‌كریه ژ به‌ر كو نوكه ره‌نگه كاودانێن وان یێن دارایی د به‌رته‌نگ بن”.
ناڤهاتی ئاماژه دا وێ چه‌ندێ كو وی چێكرنا ئه‌لبۆمان پشتگوه هاڤێتیه، ژ به‌ر كو نوكه مه‌زاختیێن مه‌ن بۆ چێكرنا ئه‌لبۆمان دڤێن و بارێ دارایی یێ هاریكار نینه ئه‌و د ڤێ قووناغێ دا چو ئه‌لبۆمان چێكه‌ت، به‌لێ د ڤێ قووناغێ دا هه‌كه داخوازا سترانه‌كا دوقۆلی ژ لایێ سترانبێژه‌كا كچ ڤه ژێ بهێته‌كرن و ده‌نگێ وێ دگه‌ل ده‌نگێ وی یێ گۆنجایی بیت یێ به‌رهه‌ڤه سترانێ دگه‌ل بێژیت و گۆت: “د كلیپێن خوه دا ئه‌ز كارێ ئه‌كته‌ریێ ناكه‌م ژ به‌ر كو ئه‌ز سترانێ دبێژم و من دڤێت ئه‌كته‌ر د كلیپێن من دا پشكداربن و رۆلێ خوه یێ دروست بگێرن”.
