ژ بهر نهدانا باجێ ب سهدان كۆمپانی بۆ دادگههێ هاتینه هنارتن
ئهڤرۆ:
رێڤهبهرێ گشتی یێ باجێ ل ههرێما كوردستانێ دیار كر، پرۆسا رێكخستنا چهسپاندنا باجێ بۆ وان كۆمپانیایێن كو ل دووڤ قانوونێ دڤێت باجێ بدهنه حكومهتێ یا بهردهوامه.
كهمال وهرتی، رێڤهبهرێ گشتی یێ باجێ ل ههرێما كوردستانێ بۆ خانی نیوز گۆت: “د دهمێ بۆری دا ههموو كۆمپانیان باج ل سهر هاتیهدانان، ژ بهر هندێ ئهم د نوكه دا مژوولی رێكخستنا ژمێریاریا دووماهیێ یا كۆمپانیاینه، دا كو ب ڤێ رێكێ بزانین داهاتێ وان چهنده و تهركیزا مه ژی زێدهتر ل سهر كۆمپانیێن مهزنه”.
رێڤهبهرێ باجێ گۆت ژی: “ل دووڤ قانوونێ ههر جهـ یان كۆمپانی یان سازییا قازانجێ بكهت، دڤێت باجێ بدهته گهنجینا حكومهتێ، رێژا باجا چهسپاندی ل سهر بنهمایێ 15%ێ قازانجێ ژ كۆمپانیان وهردگرن”.
ئهو ژی خویا كر كو ل ههموو جیهانێ چهسپاندنا باجێ ب رێیا قانوونێ دهێته رێكخستن و دگهل هندێ ژی دا ئهڤه ئهگهرهكه بۆ زێدهبوونا داهاتێ حكومهتێ و ههتا نوكه ڤێ چهندێ ئهنجامێن دلخۆشكهر یێن ههبووین و ل دووماهیا سالێ دێ ب روونی هێته بهرچاڤكرن.
ل داویێ گۆت: “د دهمێ بۆری دا ژ بهر نهدانا باجێ ناڤێن سهدان كۆمپانیان بۆ دادگههێ هاتینه رهوانهكرن”.