بریكارێ وه‌زاره‌تا كاره‌بێ: ئاریشا سه‌ركی یا كێمیا كاره‌بێ نه‌بوونا سۆته‌مه‌نیا پێدڤی یه
ئه‌ڤرۆ:
بریكارێ وه‌زاره‌تا كاره‌با حوكمه‌تا هه‌رێما كوردستانێ دیار كر، ژێرخانا به‌رهه‌مئینانا كاره‌بێ ل هه‌رێما كوردستانێ شه‌ش هزار و 500 بۆ شه‌ش هزار و 900 مێگاواتێن كاره‌بێ یه و دبێژیت: ژ به‌ر نه‌بوونا سۆته‌مه‌نیا پێدڤی، نوكه نێزیكی سی َهزار و 600 مێگاواتێن كاره‌بێ دهێنه به‌رهه‌مئینان.
كامل قه‌زاز، بریكارێ وه‌زاره‌تا كاره‌بێ خویا كر، هه‌كه سۆته‌مه‌نیا پێدڤی بۆ وێستگه‌هێن به‌رهه‌مئینانا كاره‌بێ ل هه‌رێما كوردستانێ بهێته دابینكرن، ب كێمی ئه‌و دشێن پێنج هزار بۆ پێنج هزار و 500 مێگاواتێن كاره‌بێ به‌رهه‌م بینن، ب ڤێ چه‌ندێ ژی دانا ده‌مژمێرێن كاره‌با نشتیمانی بۆ وه‌لاتیان دا گه‌له‌ك ژ نوكه زێده‌تر لێ هێن.
بریكارێ وه‌زاره‌تا كاره‌بێ گۆت: “ئاریشا سه‌ره‌كی یا مه، نه‌بوونا سۆته‌مه‌نیێ یه، ستراتیژیا حوكمه‌تا هه‌رێما كوردستانێ ژی نوكه به‌ر ب بكارئینانا گازا سروشتی یه بۆ به‌رهه‌مئینانا كاره‌بێ، چونكو تێچوونا وێ هه‌ڤبه‌ركرن ل گه‌ل گازوائیلێ گه‌له‌ك كێمتره”.
