خانه‌نشینێن پله بلند مووچێ راستڤه‌كری دێ وه‌رگرن
ئه‌ڤرۆ:
رێڤه‌به‌رێ ئامارێ ل خانه‌نشینیا هه‌رێما كوردستانێ دیار كر، خانه‌نشینێن پله بلند، ڤێ هه‌یڤێ ب راستڤه‌كری مووچێ خوه ل دووڤ لیستا نوو دێ وه‌رگرن و دبێژیت: ب چاكسازی كرن د مووچێ خانه‌نشینێن پله بلند دا نێزیكی دو ملیار دیناران بۆ گه‌نجینا حوكمه‌تێ دێ ڤه‌گه‌ڕن.
سه‌باح موخلس، رێڤه‌به‌رێ ئامارێ ل خانه‌نشینیا هه‌رێما كوردستانێ خویا كر، چاكسازیكرن و پێداچوون د باده‌كا خانه‌نشینیا پلێن بلند دا، ب تنێ په‌رله‌مانتار یێن ماین و ئه‌و ژی د ڤێ حه‌فتیێ دا دێ تمام بن كو 420 په‌رله‌مانتارن، ب ڤێ چه‌ندێ ژی دووماهی ب چاكسازیكرن د خانه‌نشینیا پلێن بلند دێ هێت، پشتی هینگی ده‌ست ب باده‌كا خانه‌نشینیا مه‌ده‌نی دێ هێته كرن.
سه‌باح بۆ مالپه‌رێ فه‌رمیێ پارتی گۆت: “خانه‌نشینێن پله بلند، ڤێ هه‌یڤێ ب راستڤه‌كری مووچێ خوه ل دووڤ لیستا نوو دێ وه‌رگرن، قانوونا چاكسازیێ چاوا دانایه، مه ب وی ره‌نگی یا راستڤه‌كری، بلندترین مووچێ په‌رله‌مانتاران دێ 50% و كێمترین ژی 25% بیت، وه‌زیر و بریكارێن وه‌زیران دگه‌هته 60%”.
گۆتژی: “ب چاكسازیكرن د مووچێ پلێن بلند دا، نێزیكی دو ملیار دیناران بۆ گه‌نجینا حوكمه‌تا هه‌رێما كوردستانێ دێ ڤه‌گه‌ڕن”.
