حه‌فت ساله كارێ هونه‌ری دكه‌ت بتنێ 2 تابلۆ فرۆشتی نه
ئه‌ڤرۆ، عه‌زیز هه‌ورامی:
هونه‌رێ وێنه‌كێشانێ ل كوردستانێ به‌رده‌وام د په‌ویتپه‌ێكرنێ دایه، و هونه‌رمه‌ندێن وێنه‌كێش ب ڕێیا هونه‌رێ خوه رووداو سرۆشت وێنێن مرۆڤان چێ دكه‌ن، و پێشانگه‌هێن هونه‌رێ دا به‌رچاڤ دگه‌ن، كه‌گه‌لم وه‌لاتی هه‌نه ب بهایه‌كێ گران تابلۆیان دكڕن و دناڤا مالێن خوه دا وه‌ك هێمایه‌كێ جوانیێ دهه‌لاویسن، به‌لێ ب شێوه‌كێ گشتی هونه‌رمه‌ندێن وێنه‌كێش به‌حسێ وێ چه‌ندێ دكه‌ن، كو بكرێن تابلۆیێن وانا دكێمن.
هونه‌رمه‌ندا شێوه‌كار شرین كۆكار د هه‌ڤدیتنه‌كا هونه‌ری یا تایبه‌تدا بۆ رۆژناما ئه‌ڤرو دبێژیت، بۆ ده‌مێ حه‌فت سالایه كارێ هونه‌رێ شێوه‌كاری دكه‌م، هونه‌رێ شێوه‌كاری كارتێكرنه‌كا گرنگ هه‌یه ب ڕێیا هونه‌رێ شێوه‌كاری تو دشێی به‌رجه‌سته‌یا روودانان بكه‌ی، ژ كه‌ڤندا روودانێن شه‌ری ب ڕێیا هوونه‌رێ شێوه‌كاری دهاته نمایشكرن، هه‌تا نوكه ژی وه‌ك دیرۆك ماینه.
هونه‌رێ وێنه‌كێشانێ من ب گشتی پتر كار ل سه‌ر سرۆشتی كریه، و تابلۆیێن من به‌هرا پتر به‌رهه‌مێن تایبه‌تێن گۆلانه، وه‌كی پێدڤی گرنگی ب كارێ هونه‌رێ شێوه‌كاری نه‌هاتیه دان مل بملێ پشكێن دیتر یێن هونه‌ری.
هونه‌رمه‌ندا ناڤاهاتی هه‌روه‌سا گۆت: من گه‌له‌ك تالبویێن ره‌نگاوره‌نگ هه‌نه، هه‌روه‌سا گه‌له‌ك من كرینه دیاری، نوكه ژی زێده‌تر ژ 50 تابلۆ من هه‌نه، كو ب شێوه‌كێ گشتی بۆ فرۆشتنێ نه، یا گرنگ ئه‌وه بكڕ بوو وان تابلۆیان هه‌بیت، و بهایێ وان یێ گونجایی بیت، هه‌تا نوكه بتنێ من دو تابلۆ فرۆشتیی نه.
شرین خانێ ل دووماهیێ خوه‌یاكر، د ناڤخوویا كوردستانێ دا زێده‌تر ژ 10 پێشانگه‌هان پشكداری مه كریه، هه‌روه‌سا 3 پێشانگه‌هێت تایبه‌ت ب تابلۆیێن خوه من ڤه‌كرینه.
