هشیار رۆژبه‌یانی: ته‌له‌ڤزیۆنێن مه جوداهیه‌كا مه‌زن د ناڤبه‌را سترانبێژان دا دكه‌ن
ئه‌ڤرۆ، هه‌رهین محه‌مه‌د:
سترانبێژێ گه‌نج هشیار رۆژبه‌یانی، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دیاركر كو نوكه ئه‌و مژوولی ئه‌لبومه‌كا سێزده تراكیه و دقووناغا دووماهیێ دایه و ژڤانه ل سه‌رێ سالا نوی به‌لاڤ بكه‌ت.
رۆژبه‌یانی گۆت ژی: ده‌نگێ هه‌موو سترانبێژان بۆ من یی َخوه‌شه ب تایبه‌تی هونه‌رمه‌ندێن نه‌مر وه‌كو محه‌مه‌د شێخو و سه‌عید یوسف و ته‌حسین تاها و ئه‌یاز و ئه‌رده‌وان و سترانا (بسكێت ته دزراڤن) یا هونه‌رمه‌ند ئه‌یاز یوسف من حه‌زدكر یا من با و من كلیپ كربا و گه‌له‌ك تشت هه‌نه بۆ سترانبێژی دگرنگن و دڤێت ل ده‌ڤ هه‌بن وه‌كو ده‌نگ و جوانی و ره‌وشت و رێز، به‌لی ده‌نگ گه‌له‌ك یا پێدڤیه یێ خوش بیت و گرنگتره ژجوانیێ بۆ سترانبێژی.
هه‌روه‌سا گۆت: ل جیهانێ هه‌موویێ رێز ل هونه‌رمه‌ندی دهێته گرتن و دبیت ئه‌ڤ رێزه ل ده‌ڤ مه نه‌بیت وه‌كو حكومه‌ت و هاریكاری و دانا مووچه‌كێ هه‌یڤانه بۆ هونه‌رمه‌ندی دا كو بشێت خوه پێ خودان بكه‌ت، له‌ورا سترانبێژێن مه هه‌ر ئێك ب رێیه‌كێ خوه ب خودان دكه‌ت چو ده‌وات بیت یان روونشتن بن، به‌لێ نوكه داوات ژی نه‌ماینه و هه‌كه سترانبێژی مووچه‌ك هه‌با ده‌می َده‌وات نه‌بان خوه ب وی مووچه‌ی خوه ب خودان كه‌ت و د وه‌لاتێ مه دا دڤێت سترانبێژ دو كاران بكه‌ت دا كو ژیانا خوه پێ ده‌رباز بكه‌ت و تیڤێن مه ژی جوداهیه‌كا مه‌زن دناڤبه‌را سترانبێژان دا دكه‌ن و هه‌ر هه‌لكه‌فته‌كا چێبیت تیڤێن مه بتنێ هنده‌ك سترانبێژان مێڤان دكه‌ن و یا پێدڤیه هه‌موو سترانبێژا وه‌كو ئێك ب هژمێرن.
