96 ملیۆن دۆلار بۆ پرۆژێ هایدرۆپاوه‌رێ دیره‌لۆكێ هاتینه مه‌زاختن
ئه‌ڤرۆ:
سه‌رپه‌رشتێ گشتی یێ پرۆژێ به‌رهه‌مئینانا كاره‌بێ ل دێره‌لۆكێ راگه‌هاند: هه‌تا نوكه 96 ملیۆن دۆلار بۆ پرۆژێ هایدرۆپاوه‌رێ دیره‌لۆكێ هاتینه مه‌زاختن، هه‌روه‌سا پارێ بۆ هاتیه ته‌رخانكرن 129 ملیۆن دۆلارن.
حه‌سه‌ن یوسف هرۆری، سه‌رپه‌رشتێ گشتیێ پرۆژێ به‌رهه‌مئینانا كاره‌بێ ل دێره‌لۆكێ بۆ ئه‌ڤرۆ نیوز راگه‌هاند: ڤی پرۆژه‌ی شیانێن به‌رهه‌مئینانا 37.6 مێگاواتێن كاره‌بێ هه‌یه، بڕیاره ل هه‌یڤا كانوونا دویێ یا سالا بهێت پرۆژه ب دووماهی بهێت.
ناڤهاتی دیار كر ژی، دیزاینێ پرۆژێ هایدرۆپاوه‌ری ل سه‌ر 240 موكه‌عبێن ئاڤێ هاتیه دانان، ئه‌ڤ پرۆژه ب گازێ كار ناكه‌ت، له‌و دووكێلێ ژی ناكه‌ت، ژ به‌ر هندێ چو زیان بۆ ژینگه‌هێ نینن.
