چالنجا خزمه‌تكرنێ!
تریفا دۆسكى
ئیراق ب گشتى به‌ر ب ئاقاره‌كێ نووى ڤه دچیت، ل ڤێ هه‌یاما ده‌ربازبووى لسه‌ر ئاستێ ئیراقێ، ململانا ب هێز یا ئه‌حزابان بۆ چوونا جڤاتا نوونه‌رانێن ئیراقێ ده‌ستپێكریه، شه‌ڕه‌كێ ره‌وا ژبۆ بده‌ستڤه‌ئینانا ژماره‌كا زێده‌تر ژ كورسیێن كوردان بۆ پاراستنا حوكمه‌تا هه‌رێما كوردستانێ، كاك نێچیرڤان بارزانى چالنجا خوه راگه‌هاند، كو كه‌سێ ئێكێ بیت ل رۆژا ده‌نگدانى كو ده‌نگێ خوه بده‌ت، وه‌لاتیان ب جۆش و خرۆش چالنج قه‌بوولكرن و پیش رۆژ ل ئه‌سمانى بهه‌لێت ل پێش قوتابخانه‌یان بوون بۆ ده‌نگدانى.
چالنجا پارتى وه‌ك حزبه‌كا سه‌ره‌كى زۆرا گره‌نگه ل ڤى قۆناغا هه‌ستیار كو تێدا جڤاكا كوردى ل ناڤ چه‌ند ململانێن ناڤخوه‌ى و ده‌ره‌كى دایه، مه‌به‌ست ژێ دوژمناتیا هێزێن سیاسى یێن ده‌وروبه‌ر بۆ قه‌بارا هه‌رێمێ وه‌ك كایه‌كێ سیاسى یێ سه‌ربخوه. ل ڤێ قۆناغا هه‌ستیار زۆرا گرنگه هه‌مى هێزێن كوردى ڤى قه‌رى بپارێزن و هه‌ڤدو بگرن، ئه‌ز وه‌كو وه‌لاتیه‌ك ل ڤێ هه‌رێمێ، قۆناغا چالنجا خزمه‌تا وه‌لاتیان دڤێت ده‌ست پێ بكه‌ت هه‌موو حوكمه‌ت ب هه‌موو ئه‌حزاب ڤه ئه‌ركێ حوكمه‌تێ دابنیكرنا بلندترین پلێن ئازادى و را ده‌ربرینێ و پاراستنا ئاسایشا هه‌رێمێ یه، هه‌تاكو ئه‌و شه‌ره‌نیخا ل ناڤا هنده‌ك هێزێن سیاسى دا هه‌یى كێم بكه‌ن و لاواز بكه‌ن و ئاراستێ وێ ململانێ ببیته خزمه‌تكرن بۆ ڤێ وه‌لاتى. ئه‌و هێزا ببیته هێزا خزمه‌تكرنێ و ململانا شه‌رعى و جڤاكى و د وى ده‌مى دا هێزێن هه‌مه‌جۆر دێ كاركه‌ن ژبۆ بده‌ستڤه‌ئینانا مافێن وه‌لاتیان و جێبه‌جێكرنا ئه‌ركێن خوه ل ئاست ژیانا هه‌ڤپشكا وه‌لاتى دا ل گه‌ل حوكمه‌تێ، قۆناغا گرنگ بۆ بده‌ستڤه‌ئینانا رازه‌مه‌ندیا وه‌لاتیێن حزب د ناڤا وه‌لاتیان دا بیت، ب به‌رده‌وامى سه‌ره‌دان و گفتۆگو هه‌بیت ل ڤێ قۆناغا هه‌ستیار ده‌لیڤه‌كا زێرینه بۆ حوكمه‌تێ كو ئه‌ركێ خوه باشتر و ب پلانكا به‌رفرهتر بهێته خزمه‌تكرن و چالنجا ئاڤه‌دانكرنا وه‌لاتى، بێخیته د پلانا خوه‌دا هیچ جاران ده‌وله‌ت و حوكمرانى ب بیناسازیێ و جاده دروست نابیت، به‌لكو ئه‌و پشكه‌كا گرنگ و ئاشكه‌را یا لایه‌نێ به‌رجه‌ستیى یێ جڤاكێ یه، لێ ژ ڤى لایێ دى ڤه وه‌لاته‌ك هه‌یه دڤێت روحا خه‌لكى ئاڤا بكه‌ت ب خزمه‌تكرنێ و بلندكرنا ئاستێ بژێوه‌ى وه‌لاتى و چو دى وه‌لاتی نه‌كه‌ڤیته د وى قورنه‌تێ چۆكدا وه‌ك كه‌سكێ دوویى سه‌ح بكه‌نێ، به‌لكو را و بۆچوونا وه‌لاتى بێخنه ناڤ پلانێن ستراتیجى و بێنه دیراسه‌كرن، به‌لكو دڤێت وه‌لاتى خوه ببینت ل جهێن بریارێ و لناڤ سه‌ندیكا و رێكخراوا و جهێن گشتى خوه ببینت خودان كه‌سایتى و خودان بریار. گرنگه هه‌موو حزبێن كوردى و ب تایبه‌ت پارتى ژبه‌ركو هێزا هه‌را مه‌زنا كورسیان و حوكمه‌تێ ئه‌و برێڤه‌دبن مه‌یدانه‌كا گفتوگۆیه‌كا مرۆڤ دۆستانه هه‌بیت، ئه‌ڤ جۆره گفتوگو و شێوازێ دیتنا سه‌رۆك و حوكمه‌تان و گه‌ریانێن وان بۆ هه‌موو پارچه‌یێن كوردستانێ به‌ردوام بیت. و زه‌مینه‌كا خۆش هه‌بیت بۆ گفتوگۆیه‌كا گه‌رم ل نیڤا حوكمه‌تێ و خه‌لكى دا. مه دیت لسه‌ر ئاستێ هه‌رێمێ لسه‌ر هه‌مى كه‌موكوریێن هه‌یین، وه‌لاتى ل ڤان فیسته‌ڤالان كه‌رنه‌ڤالا دا هه‌موو تشتێ خوه دانا لایه‌كى، بتنێ كوردایه‌تى و پاراستنا سیمایێ جوانیا كوردبوونا وى لسه‌ر زال بوو، بلا ئێدى بژاره‌یا سیاسى و فرره‌هه‌ندیا خوه و پرۆژه‌یێن خوه یێن زانستى و ئیداریى و ئابۆرى و جڤاكى و هه‌تا یێن نه‌ته‌وه‌ى، وه‌لاتى بێخیته ل ناڤا تۆرا خزمه‌تكرنێ دا، خۆزى مه ل ڤى ئاخى رۆهنكربا هیچ گه‌نجه‌ك كو چ بكه‌ته ده‌رڤه ئه‌و سامانێ مرۆڤایه‌تیێ بێخیته ناڤ كارى دا، ژبه‌ركو بلا كار لسه‌ر ئه‌وان فاكته‌ران بێته‌كرن یێن دبنه ئه‌گه‌رێ كۆچكرنێ و چاوانیا بكارخستانا ڤێ هێزا ئابۆرى یێ مه‌زن هیڤیخوازین سه‌قامگیرى و ئاڤه‌دانى و هه‌ڤسه‌نگیێ ئابۆرى و جڤاكى ل ڤێ ئیدارا نویى یا جڤاتا نوونه‌راێن ئیراقێ ببینن و بنه ئێك هێزا كوردى بۆ پاراستنا ماف و ئه‌رگێن كوردان.
