سوید ژ ره‌وشا ئه‌فغانستانێ دلگرانه
ئه‌ڤرۆ:
پێر ئولسون فرێد وه‌زیرێ گه‌شه‌پێدانێ یێ سویدێ راگه‌هاند كو پشتی تالیبان ل ئه‌فغانستانێ بوویه ده‌ستهه‌لاتدار ره‌وشا سیاسی، ئابووری، جڤاكی ل وی وه‌لاتی گه‌له‌ك خراب بوویه، خه‌لك ژ ترسا تالیبانێ نه‌شێن گوهداریا موزیكێ ژی بكه‌ن، ژ به‌ر هندێ ژی یا نها ل ئه‌فغانستانێ روو دده‌ت براستی ژی كاره‌ساته‌كا گه‌له‌ك مه‌زنه.
ناڤهاتی راگه‌هاند كو سوید چو ده‌مه‌كێ تالیبانێ وه‌كو نوونه‌رێن خه‌لكێ ئه‌فغانستانێ قه‌بوول ناكه‌ت و دڤێت د ئاستێ نێڤده‌وله‌تی دا ژی دانپێدان ب حوكمه‌تا تالیبانێ نه‌هێته كرن.
