مووچێ هه‌ژماره‌كا شه‌هید و زیندانیێن سیاسی دهێته راگرتن
هه‌ولێر، قائید میرۆ:
بڕیاره راپۆرته‌كا دی ل دۆر چاكسازیێن وه‌زاره‌تا شه‌هید و ئه‌نفاكریان بهێته به‌رهه‌ڤكرن و سه‌رۆكا لژنا شه‌هید و ئه‌نفالكریان ژی ل په‌رله‌مانێ كوردستانێ دبێژیت: مووچێ هه‌ژماره‌كا شه‌هید و زیندانیێن سیاسی ژ ئه‌گه‌رێ چاكسازیێ هاتیه راگرتن.
سه‌وسه‌ن میرخان، سه‌رۆكا لژنا شه‌هید و ئه‌نفالكریان ل په‌رله‌مانێ كوردستانێ بۆ رۆژناما ئه‌ڤرۆ دیار كر، بڕیاره وه‌زاره‌تا شه‌هید و ئه‌نفالكریان راپۆرته‌كا دی ل دۆر چاكسازیێ بده‌ته په‌رله‌مانی و گۆت: “هه‌تا نوكه سێ هه‌یڤان جاره‌كێ راپۆرتا چاكسازیێ بۆ په‌رله‌مانی هاتیه هنارتن، به‌لێ ڤێجارێ گیرۆ بوویه و بڕیاره راپۆرته‌كا دی بۆ په‌رله‌مانی بهێته بلندكرن، داكو بزانین چاكسازیێن وه‌زاره‌تا شه‌هیدان گه‌هشتینه چ قووناغ”.
سه‌وسه‌ن میرخانێ گۆتژی: “پێنگاڤێن باش بۆ چاكسازیێ د باده‌كا شه‌هید و زیندانیێن سیاسی دا هاتینه هاڤێتن، به‌لێ ده‌مه‌كێ زۆر پێدڤیه بۆ ڤێ چه‌ندێ چاكسازی د باده‌كا هه‌موو شه‌هید و زیندانیێن سیاسی دا بهێته كرن، هه‌ر چه‌نده مووچێ هه‌ژماره‌كا شه‌هید و زیندانیێن سیاسی ژ ئه‌گه‌رێ چاكسازیێ هاتیه راگرتن و هه‌ر كه‌سه‌كێ نه‌قانوونی وه‌ك شه‌هید یان زیندانیێن سیاسی هاتبیته تۆماركرن دێ هێته لادان”.
