رێنمایێن نوو ده‌رباره‌یی ئاری ده‌ركه‌فتن
ئه‌ڤرۆ:
پشتی دووڤچوونا ره‌وشا ئاری و سه‌مونخانه و نانپێژیان هاتییه كرن، كو نوونه‌رێن وان گه‌فێن داخستنا فرنان و سه‌مونخانان كرین و هۆشداریێن دروستبوونا قه‌یرانا نانی ژی داین، ده‌ڤه‌رداریا دهۆكێ ب رێیا نڤیساره‌كا فه‌رمی چه‌ند بڕیاره‌ك ده‌رباره‌ی بازرگانیكرنێ ب ئاری و بهایێ وان دیاركرن.
د. كاوه باسم، په‌یڤدارێ لژنا كارگه‌هـ و عمباران یا سه‌ر ب ده‌ڤه‌رداریا دهۆكێ ڤه بۆ ئه‌ڤرۆ نیوز گۆت: “مه هه‌ژماره‌كا بڕیاران ده‌رباره‌یی ئاری هاتینه دان، ژ وان: نابیت ئار ب هیچ ره‌نگه‌كی ل دهۆكێ بۆ پارێزگه‌هێن دی بهێته ڤه‌گۆهاستن، پێدڤیه به‌هرا ئه‌و ئارێ بریكارێن ئاهێن خوارنێ به‌لاڤ دكه‌ن، هه‌موو ل ده‌ڤ بریكاران بهێته دانان، نابیت ئار ب رێكا ترۆمبێلێن زێده‌تر ژ دو ته‌نیا بهێته ڤه‌گوهاستن، هه‌ر بریكاره‌كێ ئاری، پێدڤیه هه‌موو به‌هرا خوه یا ئاری ب دانیته نك خوه و به‌روڤاژی دێ پێرابوونێن یاسایی د گه‌ل دا هێنه وه‌رگرتن، ژبلی ئه‌و ئارێ به‌لاڤكرنێ، نابیت ئار ژ ترۆمبێلێن دو ته‌نی د زالگه‌هان ڕا ده‌رباز ببیت”.
د. كاوه‌یی گۆت ژی: “ئه‌ڤ رێنمایه هاتنه ده‌ركرن، چونكی بازرگانی ب ئاری دهاته كرن و بۆ ده‌رڤه‌ی دهۆكێ و ب تایبه‌ت پارێزگه‌هێن هه‌ولێر و پارێزگه‌هێن ئیراقێ دهاته هنارتن و ئه‌ڤ رێنمایه دێ بنه ئه‌گه‌رێ هندێ كو ئار ئه‌رزانتر ببیت”.
