ئێدى قوتابى دێ شێن بۆ خواندنێن ئیسلامی نه‌چنه هه‌ولێرێ
د.مسلح دهۆكی سه‌رۆكێ زانكویا دهۆكێ بو ئه‌ڤرۆ نيوز دیاركر ئه‌و مژۆلی پرۆژێ ڤه‌كرنا خواندنێن ئیسلامی نه، وه‌ك پشكه‌ك ، مینا پشكا شه‌ریعێ و زانكویا دهۆكێ و ئه‌ڤ پشكه ب بیته بنگه‌هه‌ك و ده‌رازینكه‌ك بو ڤه‌كرنا كولیژه‌كا شه‌ریعێ ل زانكویێ، به‌س دڤێت ڤه‌كرنا وێ ل سه‌ر هنده‌ك بنه‌مایان بيت و دلنیا جوری ره‌زامه‌ندیێ ل سه‌ر بده‌ت و گۆت: هه‌مو تشت به‌رهه‌ڤن به‌س وه‌ك ماموستا ، هه‌تا نها وه‌ك پیدڤی نه‌هاتینه به‌رهه‌ڤكرن و ب ئانه‌هیا خودیێ ل دوماهیا ئه‌ڤ ساله پرۆژه دێ گه‌هته ئه‌نجامی و ئێدی قوتابی نه چنه ژ ده‌رڤه و ل ڤێرێ لگوری سه‌قا و ژینگه‌ها كورده‌واریێ بنه‌مايێن ئاینی بخوینن.
د.مصلح ب گرنگی دا زانین ڤه‌كرنا ئه‌ڤێ پشكێ و هنده‌ك كه‌سا پێ بگه‌هینن كو خزمه‌تا ناڤا جڤاكی بكه‌ن وب باشی بزانن ئیسلام چی یه و چه‌وایه و ژلایێ ئه‌كادیمیڤه .
د.مسلح دهۆكی گوت ژی: نه‌بونا پسپوریێن پێدڤی بو ڤه‌كرنا پشكێن ئه‌كاديمی ل زانكویا دهۆكێ گیرۆكریه و هه‌رده‌ما پسپوریێن پێدڤی و باش مه دابینكرن دێ ده‌ست ب ڤه‌كرنا وێ كه‌ین و هێدی هێدی بكه‌ینه كولیژه‌كا سه‌ربه‌خو.
د.مسلح گوت: مه سیسته‌ماتیكه‌كێ باش هه‌یه و ئه‌و ماموستايێ دهێته هه‌لبژارتن، دێ د پشت راست بين كو بابه‌تێن ئاینی بو پێكڤه ژیانێ و ئاشتیێ دور ژ توندو تیژیێ ببێژيت و گونجای بیت ل گه‌ل جڤاكا كوردی و نه شه‌رته ژی هه‌ركه‌سه‌كێ چو ده‌رڤه ل سه‌ر ئاینی خواندنا بلند خواند دێ هزرێن توندره‌و ل گه‌ل خو ئینیت .
