ل دهۆكێ ژنه‌كێ مۆله‌تا پرۆژه‌كێ وه‌به‌رهێنانێ وه‌رگرت
ئه‌ڤرۆ، ئه‌میر ئه‌ترووشی:
ل پارێزگه‌ها دهۆكێ بۆ جارا دووێ یه ژنه‌ك مۆله‌تا پرۆژه‌كێ وه‌به‌رهێنانێ وه‌ردگریت و ژڤانه ئه‌ڤ پرۆژه‌یه د وارێ په‌روه‌ردێ دا بیت و په‌یڤدارێ رێڤه‌به‌ریا گشتی یا وه‌به‌رهێنانێ ژی دبێژیت: پشتی ته‌مامكرنا رێكارێن یاسایی مه مۆله‌تا وه‌به‌رهێنانێ دایه پڕۆژه‌یه‌كی كۆ دكه‌ڤیته ل سنوورێ قه‌زا سێمێلێ دا و كۆژمێ سێ ملیون و 350 هزار دۆلاران دێ ژلایێ وه‌به‌رهێنه‌ره‌كا ژن ڤه د ماویێ دوو ساڵا دا هێته بجهئینان.
فه‌لاح حاجی، په‌یڤدارێ رێڤه‌به‌ریا گشتی یا وه‌به‌رهێنانێ ل پارێزگه‌ها دهۆكێ بۆ ئه‌ڤرۆ دیار كر: كه‌رتێ وه‌به‌رهێنانێ د بوارێ په‌روه‌رده‌یێ دا ئێك ژ وان كه‌رتانه كۆ حكومه‌تا هه‌رێما كوردستانێ گرنگیێ پێ دده‌ت و هه‌وڵدده‌ت ژێده‌رێن فێربوون و په‌روه‌رده‌یی به‌رفره‌هـ ببن و هه‌لبژارتن ل به‌ر خه‌لكێ هه‌رێما كوردستانێ زێده‌ببن و پشته‌ڤانییه‌كا بێ سنوور بۆ دكه‌ت، له‌وما پشتی ته‌مامكرنا رێكارێن یاسایی مۆله‌تا وه‌به‌رهێنانێ دایه پڕۆژه‌یه‌كێ كۆ دكه‌ڤیته ل سنوورێ قه‌زا سێمێلێ دا و كۆژمێ سێ ملیون و 350 هزار دۆلاران دێ ژلایێ وه‌به‌رهێنه‌را ژن شیلان ئه‌مین ئۆسمان ڤه د ماویێ دوو ساڵا دا هێته بجهئینان.
په‌یڤدارێ رێڤه‌به‌ریا گشتی یا وه‌به‌رهێنانێ ل پارێزگه‌ها دهۆكێ گۆت ژی: ئه‌ڤ پڕۆژه پێك دهێت ژ دوو ئاڤاهیان، ئاڤاهیێ (A) كو ژ سێ قاتا پێك دهێت، هه‌ر قاته‌ك ژ شه‌ش پۆلێن خواندنێ پێك دهێت و دیسان هۆڵا كۆنفڕانسان و كارگێڕێ تاقیگه‌هـ، كافتریا و خزمه‌تگوزاریێن گشتی پێك دهێت، ئاڤاهیێ (B) كو ژ سێ قاتا پێك دهێت، ژی ب هه‌مان شێوه ژ سێ قاتان پێك دهێت و هه‌ر قاته‌كی نه‌هـ پۆلێن خواندنێ تێدانه و دیسان هۆڵا یاریان و گۆڕه‌پانا وه‌رزشی و باخچه و كه‌سكاتی و پاركێن راوه‌ستاندنا ترومبێل و پاسێن ئینان و برنا قوتابیان و كافتریا تێدا هه‌نه و ئه‌ڤ پڕۆژه‌یه دێ ل سه‌ر رووبه‌رێ شه‌ش هزار و 710 مه‌ترێن دوجا هێته درۆستكرن و ئاڤاكرن”.
