21 جه ژ به‌ر سه‌رپێچیان هاتنه گرتن
به‌رده‌ڕه‌ش، ره‌مه‌زان زه‌كه‌ریا:
لژنا ساخله‌میێ ل ده‌ڤه‌رداریا به‌رده‌ڕه‌ش ب هه‌ڤكاری ل گه‌ل تیمێن چاڤدێریا بازرگانی ده‌ست ب سه‌ر دو ته‌نێن كه‌ره‌سته‌یێن خوارن و ڤه‌خوارنێ یێن ده‌م ب سه‌رڤه‌چوویی دا گرت.
ئازار حه‌مید ئه‌ترۆشی، سه‌رۆكێ لژنا ساخله‌میێ ل ده‌ڤه‌رداریا به‌رده‌ڕه‌ش بۆ رۆژناما ئه‌ڤرۆ گوت: “لژنێن ده‌ڤه‌ردارییا به‌رده‌ڕه‌ش به‌رده‌وام دووڤچوونا بازاری دكه‌ن و د لێگه‌ڕیانه‌كێ دا ده‌س ب سه‌ر دو ته‌نێن كه‌ره‌سته‌یێن خوارن و ڤه‌خورانێ یێن ده‌م ب سه‌رڤه‌چوویی دا هاته گرتن و هاتنه ژناڤبرن”.
سه‌رۆكێ لژنا ساخله‌میێ ل ده‌ڤه‌رداریا به‌رده‌ڕه‌ش گوتژی: “ئه‌و كه‌ره‌سته‌یێن هاتینه ژناڤبرن یێن هه‌یڤا شوات و ئادارێ بوون، كو دو ته‌ن بوون و هه‌موو ژی كه‌ره‌سته‌یێن خوارن و ڤه‌خوارنێ بوون، هه‌روه‌سا 21 جهـ ژی هاتینه گرتن و 15 جهـ ژی هاتینه سزادان و سۆزنامه ژ 37 جها ژی هاتینه وه‌رگرتن و مه ئاگه‌هداری به‌لاڤكرینه، هه‌ر وه‌لاتیه‌كێ هه‌ست ب سه‌رپێچیێ كر، بلا لژنێن ده‌ڤه‌رداریێ ئاگه‌هدار بكه‌ت، داكو دووڤچوون بهێته كرن و سه‌رپێچیكار ژی بهێنه سزادان”.
