ژڤانێ گرێدانا تابلۆیێن تڕۆمبێلان نه‌هاتیه دیاركرن
هه‌ولێر، قائید میرۆ:
بڕیاره تابلۆیێن تڕۆمبێلان بهێنه گوهۆڕین و به‌رپرسه‌كێ هاتنوچوونێ ژی ئاشكرا كر، ژڤانێ گرێدانا تابلۆیێن نوو یێن تڕۆمبێلان نه‌هاتیه دیاركرن و زانیاریێن دهێنه به‌لاڤكرن دفه‌رمی نینن.
فازل حاجی، په‌یڤدارێ هاتنوچوونا هه‌ولێرێ بۆ رۆژناما ئه‌ڤرۆ دیار كر، بڕیاره تابلۆیێن تڕۆمبێلان بهێنه گوهۆڕین و تابلۆیێن نوو بۆ هه‌موو تڕۆمبێلان بهێنه گرێدان و گۆت: “بڕیار یا ده‌ركه‌فتی، لێ هێشتا ژڤانێ گرێدان و به‌لاڤكرنا تابلۆیێن نوو دیار نینه”.
فازل حاجی گۆتژی: “هێشتا ب فه‌رمی ژ لایێ وه‌زاره‌تا ناڤخوه ڤه، هاتنوچوونا هه‌رێما كوردستانێ ل دۆر شێوازێ گرێدانا تابلۆیێن تڕۆمبێلان نه‌هاتیه ئاگه‌هداركرن، له‌وڕا ژی زانیاریێن دهێنه به‌لاڤكرن د ده‌مێ نوكه دا فه‌رمی نینن و نه‌هاتینه پشتڕاستكرن”.
