ب بڕیارا سه‌رۆكێ حوكمه‌تێ پانزین دێ ژ ده‌رڤه هێته ئینان
ئه‌ڤرۆ:
ب بڕیارا سه‌رۆكێ حوكمه‌تا هه‌رێما كورستانێ، ئێدی پانزین ب كوالێتیه‌كا باش ژ ده‌رڤه بۆ ناڤ هه‌رێمێ دێ هێته ئینان.
ئاری كاكه شین، رێڤه‌به‌رێ سۆته‌مه‌نیا هه‌ولێرێ بۆ مالپه‌ڕێ فه‌رمیێ پارتی دیموكراتی كوردستان راگه‌هاند، ب بڕیارا سه‌رۆكێ حكومه‌تا هه‌رێما كوردستانێ پانزین دێ ژ ده‌رڤه هێت و ل دووڤ مه‌رجێن پێدڤی، كو پێدڤیه ئینانا پانزینێ ب كوالێتیه‌كا باش بیت و پانزین یا خراب نه‌بیت و كۆمپانی و بازرگان داخوازیا پێشكێشی وه‌زاره‌تا سامانێن سروشتی بكه‌ن و رێك پێ بهێته‌دان پانزینێ بینن.
ئاری كاكه شین دیار كر، ئه‌ڤ بڕیاره دێ بیته ئه‌گه‌رێ ئه‌رزانبوونا بهایێ پانزینێ، ئه‌م به‌رده‌وام چاڤدێریا پانزینخانان دكه‌ین و هه‌ر پانزینخانه‌كا پانزینا خراب بفرۆشیت دێ هێته سزادان.
ئه‌ڤ بڕیاره هاته‌دان پشتی حكومه‌تا فیدرال به‌هرا پانزینا هه‌رێمێ راگرتی، كو رۆژانه 180 تا 360 هزار لێترێن پانزینێ ژ ئیراقێ بۆ هه‌رێمێ دهاتن.
