ل دهۆكێ چاره‌سه‌ریا نه‌خۆشێن ئوتیزمێ بێ به‌رامبه‌ر دهێته كرن
دهۆك، له‌زگین جوقی:
پشتی سه‌رۆكێ حكومه‌تا هه‌رێما كوردستانێ بڕیاره‌كا گرنگ بۆ چاره‌سه‌ریا نه‌خۆشێن ئوتیزمێ دای، دوهی 6/6/2022ێ ل دهۆكێ كۆمبوونه‌ك ب مه‌ره‌ما چاره‌سه‌ركرنا نه‌خۆشێن ئوتیزمێ بێ به‌رامبه‌ر هاته ئه‌نجامدان.
د. شێرزاد هرۆری، رێڤه‌به‌رێ گشتی یێ چاڤدێری و گه‌شه‌پێدانا جڤاكی ل پارێزگه‌ها دهۆكێ د كۆنگره‌كێ رۆژنامه‌ڤانی دا گۆت: “لژنه‌ك بۆ چاره‌سه‌ریا نه‌خۆشێن ئوتیزمێ دێ هێته پێكئینان و چاره‌سه‌ریا پێدڤی بۆ وان زارۆكان دێ هێته كرن، هه‌روه‌سا كار ل سه‌ر خشته‌كی هاته كرن بۆ خوارنا زارۆكێن ئوتیزمێ و ئه‌ڤ خشته دێ یێ ستانده‌رد بیت بۆ هه‌موو نه‌خۆشێن ئوتیزمێ و خوارنا وان دێ هێته رێكخستن”.
گۆتژی: “بابه‌تێ پێگه‌هاندنا زارۆكێن نه‌خۆشیا ئوتیزمێ هه‌ی، هاته گه‌نگه‌شه‌كرن بۆ وێ چه‌ندێ سه‌ره‌ده‌ریه‌كا باش د وارێ پێگه‌هاندنێ دا د گه‌ل دا بهێته كرن، هه‌روه‌سا دایك و باب بهێنه فێركرن، چاوا ره‌فتارێ ل گه‌ل زارۆكێن نه‌خۆشیا ئوتیزمێ هه‌ی بكه‌ن”.
