سەرۆك بارزانی نیشانا ئاستبلندا رێزلێنانێ یا پاپایێ فاتیكانێ وەرگرت
سەرۆك مەسعود بارزانی پێشوازی ل كاردینال لویس رۆفائیل ساكۆ، پاتریاركێ كەنیسەیا كلدانی یا كاسۆلیك ل جیهانێ كر.
د دیدارەكێ دا، كاردینال لویس رۆفائیل ساكۆ پێزانینێن خوە بۆ ڕۆلێ سەرۆك بارزانی د بهێزكرنا بهایێن بلندێن پێكڤەژیانێ، مرۆڤدۆستیێ و ب هێزكرنا ئاشتی و ئارامیێ ل كوردستانێ، ئیراقێ و دەڤەرێ دیار كرن. هەروەسا سوپاسییا سەرۆك بارزانی كر بۆ ڕۆلێ وی یێ گرنگ د پاراستنا پێكهاتەیێ مەسیحی و هەموو پێكهاتەیێن نەتەوەیی و ئایینی یێن دی ل كوردستان و ئیراقێ.
كاردینال لویس رۆفائیل ساكۆ ئاشكرا ژی كر، كو ژبەر وی ڕۆلێ مەزن یێ سەرۆك بارزانی بۆ ئاشتیێ و بهایێن مرۆڤایەتیێ گێڕای، وی داخواز ژ پاپایێ ڤاتیكانێ كربوو كو نیشانا ئاستبلندا رێزلێنانێ یا پاپای پێشكێشی سەرۆك بارزانی بكەت.
ژئالیێ خوە ڤە، سەرۆك بارزانی سەرەرای دەربڕینا سوپاسی و پێزانینێن خوە بۆ پاپایێ ڤاتیكانێ و كاردینال لویس رۆفائیل ساكۆی، دوپات كر كو بۆ گەلێ كوردستانێ شانازییەكا مەزنە كو فەرهەنگەكا دەولەمەندا پێكڤەژیان، تەبایی و ئاشتیخوازیێ بۆ ب میرات مایە. هەروەسا دوپاتی ل سەر پاراستنا بهایێن برایەتی و تەباییێ د ناڤبەرا پێكهاتەیێن كوردستانێ دا كر و دیار كر كو ڕەفتار و كریار جۆرێ هەلسەنگاندنا مرۆڤان دیار دكەن، نەك هزر و ژێیاتییا ئایینی.
