پشتەڤانیێ ل پاراستنا ئاسایش و ئارامییا كوردستانێ دكەین
مەسرور بارزانی، سەرۆكێ حوكمەتا هەرێما كوردستانێ، پەیوەندییەكا تەلەفۆنی ژ ئالیێ هەیبەت حەلبووسی، سەرۆكێ جڤاتا نوونەرێن ئیراقێ ڤە پێگەهشت.
د وێ پەیوەدییا تەلەفۆنیدا، حەلبووسی هێرشا درۆنی یا سەر نڤیسینگەها تایبەت یا مەسرور بارزانی و جهێ ئاكنجیبوونا ڕێڤەبەرێ ئاژانسا پاراستنێ پرۆتەستۆ كر.
هەیبەت حەلبووسی هەڤسۆزی و پشتەڤانییا خوە بۆ پاراستنا ئاسایش و ئارامییا هەرێما كوردستانێ و ئیراقێ دیار كر و دوپاتی ل سەر گرنگییا رێگریكرنێ ژ ڤان جۆرە بنپێكرنێن ئەمنی كر.
سەرۆكێ حوكمەتا هەرێما كوردستانێ، پێزانین و سوپاسییا خوە ئاراستەی سەرۆكێ جڤاتا نوونەرێن ئیراقێ كر بۆ دەربڕینا وێ پشتەڤانی و هەڤسۆزییێ.
