یانا ئاكرێ: ب پشتهڤانیا حوكمهتا ههرێمێ ژێرخانا وهرزشی دهێته ئاڤاكرن
ئهڤرۆ،رهمهزان زهكهریا
د داخویانیهكێ دا سكرتێرێ یانا ئاكرێ یا وهرزشی بۆ رۆژناما ئهڤرۆ دیاركر ب پشتهڤانیا حوكمهتا ههرێما كوردستانێ كار ل سهر ژێرخانا وهرزشی دهێته كرن و و دهێته ئاڤاكرن ژوانا مهلهڤانگهه و یاریگهها تهپا پێی و كار بۆ وهبهرهێنانێ ژی هێته كرن.
زێدهترسهردار خانۆ گۆت: بۆ وهرزێ نوو یێ چالاكی و خولێن وهرزشی ب سۆپاسی ڤه حوكمهتا ههرێما كوردستانێ و كابینا نههێ كارێ مهلهڤانگهها یانا ئاكرێ بهر ب دووماهیێ چوویه و گههشتیه رێژا 90% ئهوا كۆژمێ 460000 دولار بۆ هاتینه مهزاختن و دیسان یاریگهها تهپا پێی هاتیه نووژهنكرن و بڕیاره ل دووماهیا ڤێ ههیڤێ قۆناغا دانانا فریزهیی بۆ بهێته چاندن بهری دهستپێكرنا وهرزێ نوو یێ خولا پلا نایابا كوردستانێ كو ب كهڤیته د خزمهتا تیما مه یا تهپا پێی دا.
ژلایهكێ دووڤه ناڤهاتی دیاركر بابهتێ وهبهرهێنانێ ل دهوروبهرێن یاریگهها یانا ئاكرێ ژی ب دووماهی هاتیه و د دهمهكێ نێزك دا دێ كار ل سهر هێته كرن ئهڤچهنده ژی بۆ زێدهكرنا داهاتیێ یانێ كو وهكو ههرسال نهكهڤیته د ئاریشێن دارایی دا و گۆت: حوكمهتا ههرێما كوردستانێ ب رێڤهبهرێن خوه یێن میری ڤه پشتهڤانن ژبۆ سهركهفتنا كاروانێ یانا ئاكرێ.
ل دووماهیێ سهردار خانۆ گۆت: بۆ وهرزێ نوو یێ خولا كوردستانێ چاڤهڕێ دكهین هندهك یاریزانێن باش بهێنه دناڤ رێزێن تیمێ دا و باشترین بهرههڤی بۆ ههڤڕكیێن خولێ و رژدین بهێز پشكداربین.
