گرێبهستهك بۆ ب كارخستنا وێستگههێ هایدروپاوهرێ دێرهلۆكێ هاته ئیمزاكر
ئامێدیێ، مهحمود نهێلی:
رێڤهبهرێ بهلاڤكرنا كارهبا دهڤهرداریا ئامێدیێ بۆ رۆژناما ئهڤرۆ دیار كر، كار د پڕۆژهیێ هایدروپاوهرێ دێرهلۆكێ دا بهر ب داویێ دچیت و ل ڤان نێزیكان دێ كهڤیته كاری و دبێژیت: بۆ ب رێڤهبرنا كارێ پڕۆژهی و كار پێكرنا وی، وهزارهتا كارهبا حكومهتا ههرێما كوردستانێ گرێبهستهك ل گهل كۆمپانیا میدل ئیست پاوهر ئیمزا كر.
دیار كر، وێستگهها هایدروپاوهرێ دێرهلوكێ شیانێن بهرههمئینانا 37 مێگاواتێن كارهبێ ههنه و ل ڤان نێزیكان دێ كهڤیته كاری و ب تورا نیشتمانی یا كارهبا ههرێمێ ڤه دێ هێته گرێدان.
وهزیرێ كارهبێ داخواز ژ وێ كۆمپانیێ كریه پێگریێ ب رێنما و راسپاردێن وهزارهتێ بكهت و وهزارهت ژی دێ ههموو ئاسانكاریان بۆ بهرههڤ كهت.
