زاخۆ كهمپێ خوه ژ توركیا بۆ ههولێرێ ڤهگۆهاست
ئهڤرۆ، عهلی حاجی:
د داخویانیهكێ دا ئهندامێ دهستهكا گشتی یا كارگێریا یانا زاخۆ دیاركر چوونا تیما وان یا تهپا پێی بۆ كهمپێ راهێنانێ ل تۆركیا هاتیه ههلوهشاندن و دێ ل ههولێرا پایتهخت بۆ ماوێ دو حهفتیان كهمپێ خوه ئهنجامبدهن خوه بهرههڤكرن بۆ وهرزێ نوو یێ خولا پلا نایابا ئیراقێ.
زێدهتر ئهیوب حاجی بۆ رۆژناما ئهڤرۆ گۆت: سهرباری ئهو پلانا هاتیه دانان كو دێ كهمپێ راهێنانێ ل وهلاتێ توركیا هێته رێكخستن و ههموو بهرههڤی ژی بۆ دهاتبوونه كرن لێ هاته ڤهگۆهاستن بۆ ههولێرا پایتهخت و باژێرێ شهقلاوه ئهڤچهنده ژی ژبهر وێ یهكێ كو رێژهكا باش یا یانێن ناڤهراست و باكۆرێ ئیراقێ دێ كهمپێ خوه ل ههولێرێ دانن و ب فهرد دیت ههمان جه دهستنیشان بكهین پێخهمهت وهرگرتنا باشترین مفا تایبهت ئهنجامدانا یاریێن ههڤالینی كو دهلیڤهكا باشه كادرێ راهێنانێ تیما خوه ل دووڤ ئاستێ یانێن پشكدار هێز و كێماسیا تیما خوه ب زانیت و ل رێكێن چارهسهریا ب گهڕیێت.
ههروهسان ناڤهاتی گۆت: بڕیاره دهستپێكا ههیڤا بهێت تیما مه ل ههولێرێ بكهڤیته د كهمپێ راهێنانێ دا بۆ ماوێ دو حهفتیان كو بدیتنا من مفایێ كهمپێ ههولێرێ گهلهك باشتر بیت ژ توركیا تایبهت بۆ راهێنهری ژبهركو دهمێ ههیی ئهو یاریزانێ ئاست نزمبیت بهێته دوورخستن و هندهكێن دی زێدهكهت، ب گشتی مه تیمهكا باش بهرههڤكرینی و دێ ژ تیمێن زهحمهت بیت د خولا ئیراقێ دا.
